Gimet 15:8 - U Maganda A Baheta Ni Jesu-Cristo

⁸ U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Gimet 15:8 Referans Kwoze

Gimet 1:24

Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,

Gimet 10:47

“Tehhod pa beman a makahadlang para bawtismuwan hide tu dinom? Konna labe hide nikitam a napagkaluuben ti Banal a Ispirito.”

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.

Hebreo 4:13

Awan ti metagu tu Diyos, áelingán na a atanan. Sakay tábbegan tam nikuna u atanan a ginimet tam.

Gimet 14:3

Nanalay pa hod a nágyan di Pablo sakay ti Bernabe sakay mabegsak u pággisipan de a mangaral tungkul tu Panginoon. Pinatunayan be nu Panginoon a tatahoden u ipáppangaral de tungkul tu kabaitan na tu pamamag-itan nu kapangyariyan a inyatád na nide a maggimet ti makataka-taka a bagay.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Juan 5:37

Sakay u Ama a nangpaangay he nikán ay nagpatunay be tungkul nikán. Maski nikan ay awan moy palla nasaneg u boses na, sakay netan u hupa na,

Gimet 15:28

Dipo tu tulung nu Banal a Ispirito ay naisipan me a diyan kamon atádden ti agum pa a utus nan u mágkahalaga la hide a bagay, konna ti iye hide: