Gimet 10:41 - U Maganda A Baheta Ni Jesu-Cristo

⁴¹ bakán a tu atanan a tolay nan nikame la a pinile nu Diyos bilang patunay. Hikame u kaguman na a kimman sakay umminom nikuna nabiyag siya a huway.

Gimet 10:41 Referans Kwoze

Juan 14:22

Tinanung siya ni Judas (Bakán a ti Judas Iscariote), “Panginoon, bakin a hikame la u pángpakilalaan mo tu sadile mo, awan mo ipakilala tu agum a tolay ti munduway?”

Juan 21:13

Nangalap ti Jesus tu tinapay sakay inyatád na nide. Konna bi hod u ginimet na tu ikan.

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Gimet 10:39

Hikame u mangpatunay tu atanan a ginággimet na tu lugar nu Judio hide sakay ti Jerusalem. Binuno de siya, sakay nepako tu kudus.

Gimet 13:31

Makpal a aldew a pimmeta siya tu nákkuyoyog hide nikuna ti Jerusalem a gábwat ti Galilea. Nadid, hide dán u mangpatunay tungkul nikuna.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Lukas 24:30

Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide.

Lukas 24:48

Hikam u mangpatunay ti iye hide a bagay.

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 15:27

Hikam be ay dapat magpatunay tungkul nikán, dipo kaguman takamon sapul pa ti sapul.”

Gimet 1:4

Essa aldew mentaras kuman hide a kaguman ni Jesus ay kinagi na, “Dyan kam pa lumakad ti Jerusalem. Uhayán moy u Banal a Ispirito a inpananto nu Diyos Ama. Kinagi ko dán iye nikam tu itod.