Gimet 10:36 - U Maganda A Baheta Ni Jesu-Cristo

³⁶ Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 10:36 Referans Kwoze

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Gimet 2:36

Kanya dapat talaga a matukuyan nu atanan a Israelita a ti Jesus a impako moy tu kudus ay siya u pinile nu Diyos a magin Panginoon sakay Cristo.”

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

1 Corinto 15:27

Dipo kinagi nu Kasulatan: “U atanan a bagay ay impasakup nikuna nu Diyos.” (Pero u upos a, “atanan a bagay,” ay maliwanag a awan he kaguman u Diyos a nángdátton tu atanan a bagay tu sakup nu kapangyariyan ni Cristo.)

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Filipos 2:11

Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

1 Corinto 15:47

U kadipalonguwan a tolay ay gábwat tu luta, pero u kaduwwa a tolay ay gábwat ti langet.

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 13:32

Katoy kami he para ibaheta nikam u Maganda a Baheta. Iye u pananto nu Diyos tu nuno tam hide.

Gimet 11:19

Nadid, u mánnampalataya hide ay minawatak-watak dipo tu págpahirap nide sapul nikuna mabuno ti Esteban. Te nakademát ti Fenicia, ti Chipre hanggan ti Antioquia. Maskin hadya demáttán diyay ay ipáppangaral de u Maganda a Baheta pero tu Judio la hide.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 10:6

Angay moy tolduwan u Israelita la hide, u netawtaw a tupa hide nu Diyos.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Colosas 1:20

Sakay tu pamamag-itan nu Anak na, ay ginusto nu Diyos a u atanan nu nilalang ti langet ay ti lutaáy ay mákpagkasundu nikuna. Iye ay tu pamamag-itan nu digi ni Cristo a nebuhus tu kákkatay na tu kudus.

Lukas 1:79

Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Gimet 10:37

U Maganda a Baheta ay nepangaral tu buo a Judea, sapul ti Galilea káttapos a mepangaral ni Juan u tungkul tu bawtismo.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.