Gimet 1:14 - U Maganda A Baheta Ni Jesu-Cristo

¹⁴ Lagi hide a mamággipun-ipun para magdasal kaguman u bábbey hide sakay ti Maria a ina ni Jesus, konna bihod u kákkapatkákka ni Jesus a lállake.

Gimet 1:14 Referans Kwoze

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Gimet 6:4

Para ilaan me be u panahun me tu págdasal sakay tu pángngaral tu Upos nu Diyos.”

Colosas 4:2

Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Mateo 21:22

Sakay anya man u agidan moy tu panalangin ay maalap moy, ni naniwala kam.”

Gimet 2:1

Nikuna dumemát u aldew nu Penticostes ay nagipun-ipun tu essa a lugar u atanan nu mánnampalataya hide.

Lukas 11:13

Ni hikamon a mágkadukás hide a tolay ay makabeto a mangatád tu mágkaganda hide a bagay tu anak moy, itod pa beman u Ama moy ti langet! Iyatád na u Banal a Ispirito tu mangaged hide nikuna!”

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Lukas 24:53

Palagi hide tu templo sakay he hod hide a magpapuriyán tu Diyos.

Mateo 12:46

Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.

Lukas 24:10

U bábbey hide ay di Maria Magdalena, Juana, sakay ti Maria a ina ni Santiago; iye hide sakay tu agum pa a bábbey a kaguman de u nagbaheta tu Apostol hide.

Lukas 23:55

Immunonod ni Jose u bábbey hide a nákkuyog ni Jesus sapul pa ti Galilea, kanya netan de u naglábbángngan, pate u kákkedátton hod nu bangkay ni Jesus.

Lukas 23:49

Te taknag tu adeyo u barkada hide ni Jesus pate u kabábbiyan a immunonod nikuna sapul pa ti Galilea. Netan di be iye hide a pangyayare.

Markos 16:1

Nadid, kállipas nu Aldew nu Káimang, di Maria Magdalena, ti Maria a ina ni Santiago, sakay ti Salome ay namale ti pangpasáppot para tu bangkay ni Jesus.

Markos 15:40

Katoy bi hod u sangan a bábbey a mágtannaw tu adeyo. Kaguman ti Maria Magdalena, ti Salome, sakay ti Maria a ina ni Jose sakay ti Santiago a dipos de.

Mateo 27:55

Atoy be hod u makpal a bábbey a mágtanaw hod tu adeyo. Hide itod u sapul pa ti Galilea ay ummunonod dán hide ni Jesus sakay nagserbi nikuna.

Lukas 24:33

Ti itod be ay nagsole hide ti Jerusalem. Dinemáttan de hod a mamág-ipun-ipun u sapulo ay ti essa sakay tu agum de hide.

Lukas 8:20

Kaya te nángkagi nikuna, “Katoy ti luwase dena mo sakay u wáwwadi mo hide, gusto dika a uhunan.”

1 Corinto 14:13

Kaya ngane dapat a ipagdasal nu magupos ti iba-iba a upos a atádden be siya ti kaluub a makapángpaliwanag ti iye.