Filipos 3:15 - U Maganda A Baheta Ni Jesu-Cristo

¹⁵ Dapat konna hina u magin isipan tam bilang mágkatatag dán ti pánnampalataya. Ni bakán be a konna hina u isip moy ay ipakapospos iye nikam nu Diyos.

Filipos 3:15 Referans Kwoze

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Galacia 5:10

Dipo tu pákpagkaessa tam tu Panginoon ay magtiwalaák a awan kam magbagu tu pánniwala moy. Sakay nakasiguduwák a parusaan nu Diyos u deyaman a tolay hide a mangrebuk nikam.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Hebreo 5:14

Pero u maigát a kanán ay para tu mágkatanda dán hide sakay tukoy na dán u maganda ay tu madukás.

Colosas 1:28

Itona u dahilan ni bakin a ipáppangaral me ti Cristo tu katolayan. Ipakapos-pos me sakay táttolduwan me hide tu atanan a tukoy me tungkul ni Cristo para meatubang me u balang essa tu Diyos, a awan ti kapintasan dipo tu pákpagkaessa de ni Cristo.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Lukas 11:13

Ni hikamon a mágkadukás hide a tolay ay makabeto a mangatád tu mágkaganda hide a bagay tu anak moy, itod pa beman u Ama moy ti langet! Iyatád na u Banal a Ispirito tu mangaged hide nikuna!”

1 Juan 2:5

Pero ni u tolay ay sumássunud tu upos nu Diyos ay mángpeta iye a u págmahal nu Diyos ay nagin ganap tu biyag na. Konna he u pakatukuyan tam a atoy kitam nikuna.

2 Timoteo 3:17

Tánni u tolay a magserbi tu Diyos ay awan dán ti kulang nan handa dán a maggimet tu atanan a mágkaganda a gimet.

Juan 6:45

Ayun tu insulat nu prupeta hide, ‘Tolduwan hide a atanan nu Diyos.’ Kanya u atanan nu mágsaneg sakay nakatukoy tu Ama ay umadene nikán.

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.