Filipos 2:25 - U Maganda A Baheta Ni Jesu-Cristo

²⁵ Naisip ko a kailangan dán hina a pasoliyán ti Epafrodito, u kapatkákka tam tu Panginoon a konna labe nikán a manggagawa sakay sundalo nu Diyos a pinaangay moy he para makatulung ko.

Filipos 2:25 Referans Kwoze

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

1 Corinto 3:9

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

Filemon 1:24

Mákkumusta be di Markos, Aristarco, Demas sakay ti Lukas a kaguman ko tu gawain.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

Colosas 4:11

Kumusta kam kálla be kagi ni Jesus a nginahanan de a Justo. Hide la a tállo u Kristiyano a Judio he a timmulung nikán tu pángngaral tungkul tu pághare nu Diyos. Hide u nangpabegsák tu isip ko.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

Juan 17:18

Pinaangayák mu he ti munduwáy, konna bi hod ay pinaangay ku be hide ti munduwáy, para magtoldu.

Juan 13:16

Kagiyan ko nikam u tatahoden: Awan ti alipin a mas higit tu amo na sakay awan be ti alipin a mas higit tu nagutus nikuna.

Roma 16:3

Ikumustaák moy di Priscila sakay ti Aquila, u katarabahuwan ko hide ni Jesu-Cristo.

Roma 16:9

Ikumustaák moy be ni Urbano a kapareho ko a manggagawa ni Cristo, sakay konna be tu mahal ko a amigu a ti Estaquis.

Filipos 2:26

Dipo tunay dán u soh na a ketan nakam hina a atanan, mabalisa siya a tahod dipo natukuyan na a nabaheta moy a nagkasakit siya.