Filipos 2:15 - U Maganda A Baheta Ni Jesu-Cristo

¹⁵ Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Filipos 2:15 Referans Kwoze

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

Tito 2:10

sakay diyan dibe hide pagtakawan, nan ipeta de a tapat hide tu atanan a bagay. Tánni mepeta de u kagandaan nu toldu hide a gábwat tu Diyos a Tagapagligtas tam.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

1 Timoteo 3:10

Sakay kailangan pa hide a purbaan. Sakay ni mapatunayan a karapat-dapat hide, maari dán hide a idátton, bilang dyakuno.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

Roma 16:19

Nabaheta dán nu atanan u katapatan tu kássunud moy tu Panginoon, sakay masayaák dipo hina. Pero u gusto ko ay magin malalake kam tu bagay hide a maganda sakay awan ti tukoy tu bagay hide a madukás.

Gimet 2:40

Makpal pa a kinagi ti Pedro pero essa la u pákkekakagbi na tu tolay hide itod ay, “Pabayan moy a maligtas kam tánni awan kam mesale tu parusa a dumemát ti madukássan iye a lahe.”

Mateo 10:16

Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Tito 2:15

Itoldu mo iye hide a atanan sakay kagiyan mo hide a sunudán di iye. Te kapangyariyan ka a pagkagiyan hide ni kailangan kaya dyan mo pabayan a tehhod a mángmemenos niko.

Tito 1:6

U pinuno a dapat mo a idátton ay kailangan a awan ti kapintasan, essa la ti kabanga, mánnámpalataya u aanak de, sakay awan hide mágkagulo oni maigát ti págguluwan.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

Gimet 20:30

Dumemát be u panahun a tehhod a magtoldu ti kakabuliyan a gábwat labe tu gurupo moy tánni maakit de u mánnampalataya hide a humiwalay sakay mákkuyog nide.

Juan 5:35

Ti Juan ay kumán a demlag nu simbuwan a magdemlag tu itod, minasaya kam tu badit la a panahun tu demlag na.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Mateo 17:17

Timmábbeg ti Jesus, “Lahi kam a awan ti paniwala sakay maigát ti ulo! Hanggan nikanák moy dapat palagi a kakaguman? Hanggan nikan ta kam a pagtiisan? Iyangay moy he u anak!”

Pahayag 3:9

Tandaan moy! Utusan ko u gurupo ni Satanas a mágkabule sakay mapagkunware a Judio, a angay lumuhud tu atubang moy. Sakay hod de a matukuyan a hikam u mahal ko.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

1 Timoteo 5:7

Ipatupad mo nide iye hide a utus tánni awan ti mepintas nide u agum.

2 Corinto 6:17

Kaya umadeyo kam tu tolay hide a awan sumássunud nikán, Humiwalay kam nide,” kagi nu Panginoon. “Dyan kam kumahap tu ánya man a neturing a madangát, tánni tanggapán takam.

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Filipos 3:6

Dipo ngane tu kássunud ko tu Kautusan ay pináppahirapan ko u mánnampalataya hide tu itod. Kaya ni tungkul tu pagkamatuwid ayun tu Kautusan ay awan kam ti makagi nikán.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.