Efeso 4:32 - U Maganda A Baheta Ni Jesu-Cristo

³² Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Efeso 4:32 Referans Kwoze

Markos 11:25

Sakay ni magdasal kam, patawadán moy pa u nagkasala hide nikam támpara u kasalanan moy be ay patawadán be nu Ama moy a katoy ti langet.

2 Corinto 2:10

Ni deya man u pinatawad moy ay pinatawad ko dán be. Ni nagpatawadák man tistigu ko ti Cristo a ginimet ko itod alang-alang nikam.

Efeso 5:1

Kanya ahigán moy u Diyos dipo atanan moy ay pinakamamahal na a anak.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Lukas 6:37

“Dyan kam humatul tánni awan kam hatulan nu Diyos. Dyan kam be magparusa tánni awan kam parusaan nu Diyos. Mágpatawaden kam tánni patawadán kam nu Diyos.

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.

Lukas 17:4

Ni pumenpitto dán siya a nagkasala niko tu maghapun, sakay pumenpitto be siya a umadene niko a magkagi a, ‘Nagsisiyák,’ Kailangan a patawadán mo siya.”

Mateo 6:12

Patawadán mu kame tu kasalanan me a konna tu págpatawad me tu nagkasala nikame.

1 Juan 2:12

Magsulaták nikam a anak ko hide, dipo pinatawad dán nu Diyos u kasalanan moy dipo tu ginimet ni Cristo.

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

1 Juan 1:9

Pero ni aminán tam tu Diyos u kasalanan tam hide ay siguradu a patawadán na kitam sakay linisan na kitam tu mágkadukás tam a gimet dipo siya ay matapat sakay matuwid.

2 Corinto 2:7

Kaya patawadán moy dán siya sakay tulungan moy siya a magin matatag tu pánnampalataya na tánni awan siya matuluyan a manghina ti isip dipo tu matindi a kalungkutan.

Santiagu 5:11

Awan beman kákkagiyán tam a mapalad u tolay hide a mágtatiisán ti hirap. Nasaneg moy dán u tungkul ni Job tu págtiis na ti madágge a hirap, sakay tukoy moy dán be a tu katapusan ay pinagpala siya nu Panginoon. Ketan tam he a makákkagbiyán sakay mabait u Panginoon.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

Lukas 11:4

Sakay patawadán mo kame tu kasalanan me hide, dipo pappatawadan mi be u nagkasala hide nikame. Sakay dyan mo kame pabayan a matokso.”

Lukas 1:78

Mapagmahal sakay makákkagbiyán u Diyos tam. Dipo tu kagbi nu Panginoon nikitam ay immangay he a konna tu kássikat nu aldew.

2 Pedro 1:7

u pagkamaka-Diyos ay dagdagen moy ti págmalasakit tu kákkapatkákka hide ni Cristo; sakay tu págmalasakit ay dagdagen moy ti págmahal.

Gimet 28:2

Mabait a tahod u tolay hod hide sakay tinanggap di kame ti maayus. Pinagnamo di kame ta madagnen dipo naguden sakay inasikaso di kame ti husto.