Colosas 3:12 - U Maganda A Baheta Ni Jesu-Cristo

¹² Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

Colosas 3:12 Referans Kwoze

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Efeso 4:2

Magin mapagpakumbaba kam, mabait, sakay matiyaga. Magmahalan kam sakay magpasensiyaan tu balang essa.

1 Juan 4:19

Magmahal kitam dipo u Diyos u dipalongo a nagmahal nikitam.

Colosas 3:10

sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

2 Pedro 1:10

Kaya ngane, kákkapatkákka ko hide, lalu kam a sumigasig a máng-aheg tu ugale moy tu pángpile nikam nu Diyos. Ni ginimet moy iye ay mapatunayan moy a dinulaw kam ngane nu Diyos sakay awan kam manghina tu pánnampalataya moy.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

Lukas 1:78

Mapagmahal sakay makákkagbiyán u Diyos tam. Dipo tu kagbi nu Panginoon nikitam ay immangay he a konna tu kássikat nu aldew.

Markos 13:27

Paangayán ko u anghel ko hide tu áppat a suluk ni munduwáy tánni ipunán de u tolay hide a pinile nu Diyos.”

Efeso 4:24

Sakay u dapat a ketan nikam ay u bigu moy a pagkatolay a nilalang a konna tu Diyos a awan ti kapintasan sakay banal.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Markos 13:20

Ni awan paapehitán nu Diyos i aldiwan iye ay awan ti tolay a maligtas; pero paapehitán na i aldiwan itod, alang-alang tu pinile na hide.

Mateo 24:22

Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

2 Juan 1:13

Kumusta ka kan kagi nu anak hide nu kapatkákka mo a bábbey a pinile be nu Diyos a kapareho mo.

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.