Colosas 3:1 - U Maganda A Baheta Ni Jesu-Cristo

¹ Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

Colosas 3:1 Referans Kwoze

Roma 8:6

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

Mateo 6:33

Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

2 Corinto 4:18

Kaya awan me pahalagaan u bagay hide a ketan nan tu bagay hide a awan ketan. Dipo pansandaliyan la u bagay hide a ketan, pero awan ti kahád u bagay hide a awan ketan.

Colosas 3:2

Ituun moy isip moye tu bagay hide ti langet, bakán a tu bagay hide ti lutaáy

Mateo 6:20

Nan magpuhon kam ti kayamanan hod ti langet. Awan hod anayán, simangán sakay matakaw.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Lukas 22:69

Pero sapul nadid ay mággetnod dán u Anak nu Tolay tu kawanan nu makapangyariyan a Diyos.”

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Hebreo 10:12

Pero ti Cristo ay pumensan la a nag-alay para tu kasalanan tam, káttapos ay nággetnod dán siya tu kawanan nu Diyos.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Efeso 4:10

U tolay a immangay ti lutaáy ay siya labe u tolay a immangay tu kataasan a lugar ti langet para siya dán u maghare tu atanan a linalang.

Markos 14:62

Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Hebreo 1:13

Maski nikan ay awan kinagi nu Diyos tu maskin deya a anghel a, “Mággetnod ka ti kawanan kuwáy mentaras a awan ko niko mapasuko u kadima mo hide.”

Gimet 2:34

Bakán a ti David u immangay ti langet, pero kinagi na, ‘Kinagi nu Panginoon tu Panginoon ko: Mággetnod ka he ti kawanan kuwáy hanggan mapasuko ko u kadima mo hide niko.’

Lukas 20:42

Dipo ti David dán a mismo u nagkagi tu libro nu Kansiyon a, ‘Kinagi nu Panginoon tu Panginoon ko, “Mággetnod ka ti kawanan kuwáy,

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Markos 12:36

Awan beman ti David dán u nagkagi tu tulung nu Banal a Ispirito a: ‘Kinagi nu Panginoon tu Panginoon ko, Mággetnod ka tu kawanan ko, hanggan a mapasuko ko niko u kadima mo hide.’

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

Gimet 7:55

Pero naputat siya ti Banal a Ispirito, kanya immileng siya ti langet kaya netan na u demlag nu Diyos sakay kaguman na ti Jesus a maghare.

Mateo 22:44

Kinagi nu Panginoon ko tu Panginoon, ‘Umetnud ka tu kawanan ko, hanggan a mapasuko ko niko u atanan a kadima mo hide.’

Efeso 5:22

Hikam a bábbey hide, pasakup kam tu kákkabanga moy hide konna tu págpasakup moy tu Panginoon.