Colosas 1:14 - U Maganda A Baheta Ni Jesu-Cristo

¹⁴ Tu pamamag-itan nu Anak na, ay napalaya sakay napatawad kitamon tu kasalanan tam hide.

Colosas 1:14 Referans Kwoze

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Hebreo 9:22

Ayun tu Kautusan, halus atanan a kagamitan tu págsamba tu tolda ay mebilang a malinis tu pamamag-itan nu dige. Sakay awan mapatawad u kasalanan ni awan ti mebuhos a dige bilang alay tu Diyos.

Hebreo 9:12

Pumensan la a simmáddáp ti Cristo tu Lugar a Kabanalan, sakay awan dán kailangan a huwayán. Bakán a digi ni kambing sakay digi ni bul-o a baka u inyalay na nan u sadile na a dige, tánni mapatawad kitam tu kasalanan tam hanggan-hanggan.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Galacia 3:13

Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Juan 2:12

Magsulaták nikam a anak ko hide, dipo pinatawad dán nu Diyos u kasalanan moy dipo tu ginimet ni Cristo.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

1 Timoteo 2:6

Siya u náng-atád tu sadile na a biyag tánni tubusán u atanan a tolay tu kasalanan de hide. Iye ay nangyare tu tama a panahun a intakda nu Diyos a nangpatunay tu kagustuwan nu Diyos a maligtas u atanan a tolay.

Colosas 2:13

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

1 Juan 1:9

Pero ni aminán tam tu Diyos u kasalanan tam hide ay siguradu a patawadán na kitam sakay linisan na kitam tu mágkadukás tam a gimet dipo siya ay matapat sakay matuwid.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.

Lukas 5:20

Nikuna ketan ni Jesus u pánnampalataya de ay kinagi na tu paralitiko, “Anak, napatawad ka dán tu kasalanan mo hide.”

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.