2 Timoteo 4:2 - U Maganda A Baheta Ni Jesu-Cristo

² ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

2 Timoteo 4:2 Referans Kwoze

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

Tito 2:15

Itoldu mo iye hide a atanan sakay kagiyan mo hide a sunudán di iye. Te kapangyariyan ka a pagkagiyan hide ni kailangan kaya dyan mo pabayan a tehhod a mángmemenos niko.

1 Timoteo 4:13

Mentaras a awanák palla hina ay basaán mo u Kasulatan tu atubang nu katolayan sakay itulos mo u pangngaral mo nide sakay palagi mo hide a tolduwan.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.

Tito 1:13

Tama u kinagi na, kanya pagkagiyan mo hide ti mahigpit tánni mabiyag hide ti tama ayun tu pánnampalataya de,

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

Galacia 6:6

U tináttolduwan hide tu upos nu Diyos ay dapat mangatád tu pagpapala de tu magtoldu nide tu upos nu Diyos.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

2 Timoteo 3:10

Pero hiko Timoteo, ay tukoy-tukoy mo u atanan a itáttoldu ko, u kákkabiyag ko, u layunin ko ti biyag, u pánnampalataya ko, u págtiyaga ko, u págmahal ko, sakay u katapatan ko.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

Colosas 1:25

Nagin tagapagserbiyák na para tu mánnampalataya hide nikuna a piniliyák nu Diyos para ganap a mepahayag nikam u upos na.

Roma 10:15

Sakay kodya a makapangaral u deyaman ni awan siya inutusan? Ayun tu Kasulatan, “Anya dámben ti ganda a áelingán u pademát hide a magtoldu tu Maganda a Baheta.”

Gimet 20:7

Tu purumero a aldew nu sasimba ay napisan-pisan kame para tu pángtappeng-tappeng ti tinapay. Nangaral ti Pablo nide hanggan tu bállog nu gibi dipo palakad siya tu kadimadimangan.

Gimet 16:13

Sakay tu Aldew nu Káimang ay limmuwas kame tu banuwan sakay immangay tu bihebi nu dinom, tu essa a lugar a natukuyan me a lugar nu págdasalan nu Judio hide. Nággetnod kame sakay nákpágguhon tu bábbey hide a nagipun-ipun hod.

Lukas 9:60

Pero kinagi na nikuna, “Ipebahala mu dán tu patay hide u páglábbáng tu kasapatay de hide. Pero hiko ay angay mo ibaheta u pághare nu Diyos.”

Lukas 7:4

Káddemát de tu kán Jesus ay nákkekakagbi hide nikuna, kinagi de, “Dapat la a tulungan mo ti kapitan,

1 Tesalonica 5:20

Dyan moy baliawanan u adal a gábwat tu Diyos.

Lukas 7:23

Pinagpala u tolay a awan magduwwa-duwwa nikán.”

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

Hebreo 13:22

Ipákpágguhon ko nikam, kákkapatkákka hide, a sanigán moy ti maganda u pangaral ko hide nikam dipo apehet la i sulat kuwáy.

Gimet 28:16

Káddemát me ti Roma ay pinakultadan de ti Pablo a mangupa ti sadile na a págyanan, pero kaguman na u essa a sundalo a mágbantay nikuna.

Gimet 13:5

Nikuna dummemát hide ti Salamina ay inpangaral de u Upos nu Diyos tu sinagoga nu Judio hide. Sakay kakaguman di ti Juan, a ngángngahanan di a Markos a timmulung nide.

Colosas 4:3

Ipagdasal moy kame be a atádden kame nu Diyos ti pagkakataun a mepahayag me u upos na tungkul ni Cristo a nelihim tu itod. Iye u dahilan nu kákkepireso ko nadid.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.