2 Timoteo 4:10 - U Maganda A Baheta Ni Jesu-Cristo

¹⁰ Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

2 Timoteo 4:10 Referans Kwoze

2 Timoteo 1:15

Tukoy mo be a inadagginak dán nu atanan a mannámpalataya hide ti Asia, pate di Figelo sakay ti Hermogenes.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Filemon 1:24

Mákkumusta be di Markos, Aristarco, Demas sakay ti Lukas a kaguman ko tu gawain.

2 Timoteo 4:16

Awan nikán ti nákkuyog tu purumero de nikán a pángbista. Pinabayanák de a atanan a mágge-essa. Patawadán nakwa hide nu Diyos.

Filipos 2:21

Dipo u agum ay awan ti iba a áisipán ni awan u sadile di la a kapiyyaan bakán a u para ni Jesu-Cristo.

2 Corinto 7:6

Pero u Diyos a mangpáppasaya tu mágkalungkut hide ay pinasaya na kame tu pamamag-itan nu káddemat ni Tito.

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

Gimet 17:1

Nadid himmoyot di Pablo sakay ti Silas ti Amfipolis sakay ti Apolonia, sakay nagtulos hide ti Tesalonica. Ti itod a lugar ay te sinagoga u Judio hide.

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

1 Timoteo 6:17

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

Galacia 1:2

U atanan nu kákkapatkákka tam a katoy he ay kaguman ko a mákkumusta nikam a mánnampalataya hide a taga-prubinsiya ni Galacia.

2 Corinto 8:16

Pero magpasalamaták tu Diyos dipo impabate na ni Tito u págmalasakit na nikam a kapareho nu págmalasakit ko nikam.

2 Corinto 8:6

Dipo ti iye ay naisip me a maganda nakwa ni itulos moy u pággipun tu tulung para tu mágkahirap hide. Kaya ti Tito a nangsapul ti gawainan iye hina nikam ay inuhon me a magsole hina para tapusán na u sinapulan na a pággipun tu tulung moy.

Gimet 18:23

Nágyan hod siya ti sangan a aldew sakay káttapos ay naghektat dámman siya. Linebut na u atanan a lugar a sakup ni Galacia sakay ti Frigia, sakay pinabegsák na u pánnampalataya nu atanan a mánnampalataya hod.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 15:38

Pero umád ni Pablo a kuyugán ti Markos dipo awan siya nákpagtulos-tulos tu tarabaho de ni awan nákhiwalay nide ti Panfilia.

Gimet 13:13

Nadid, limmakad di Pablo sakay tu kaguman na hide ti Pafos, sakay bimmiyahe hide a paangay ti Perga a sakup ni Panfilia. Kaddemat di hod ay himmiwalay nide ti Juan, a ngángngahanan a Markos, sakay nagsole ti Jerusalem.

Lukas 17:32

Isipán moy dálla u nangyare tu kabanga ni Lot.

Lukas 16:13

Awan maare a pagsabayán a serbiyan nu essa a utusan u duwwa a amo dipo kaiyamutan na u essa sakay mahalán na u essa. Pagserbiyan na ti husto u essa sakay awan na pospusán u essa. Awan moy maare a pagsabayán a serbiyan u Diyos sakay u kayamanan.”

Lukas 14:33

Konna bi hod, awan maare a magin disepulus ko u maskin deya ni awan na adággen u atanan a katoy tu biyag na.”

Mateo 26:56

Pero nangyari iye a atanan tánni matupad u insulat nu propeta hide tu Kasulatan.” Káttapos ay ginuminan u disepulus na hide sakay inwahak di siya a maggeessa.

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

2 Corinto 8:23

Tungkul ni Tito, siya u kaguman ko sakay katulung ko tu gawain. Tungkul be tu kákkapatkákka a kaguman na, hide u pinaangay nu mánnampalataya hide. Sakay ti Cristo u maparangalan dipo tu gawain de hide.