2 Timoteo 1:5 - U Maganda A Baheta Ni Jesu-Cristo

⁵ Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Timoteo 1:5 Referans Kwoze

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

Gimet 16:1

Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Hebreo 6:9

Mahal me hide a amigu, maski ni konna he u kákkagiyán me, ay tukoy me a katoy kam ti maganda a kalagayan tungkul tu kaligtasan moy.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

Roma 8:38

Awanák magduwwa-duwwa a awan ti makapánghiwalay nikitam tu págmahal nu Diyos. Maski dumemát u kamatayan tam, oni biyag kitam palla, maski u anghel hide, u puno hide u bagay hide nadid a kasalukuyan, u bagay hide a pademát, u tehhod hide a kapangyariyan, u kalangkawan, u kadisaladen, oni ányaman a linalang ay awan makapánghiwalay nikitam tu págmahal nu Diyos, u págmahal a impabate na nikitam tu pamamagitan ni Cristo Jesus a Panginoon tam.

Roma 4:21

Dipo nanalig siya ti husto a tupadán nu Diyos u pananto na.

Hebreo 11:13

Natay hide a atanan a tehhod a pánnampalataya tu Diyos. Awan de natanggap u inpananto nu Diyos pero natannaw de itod tu adeyo. Inturing de u sadile de a dayuhan la ti munduwan iye.

Roma 14:14

Dipo tu pákpágkaessa ko tu Panginoon Jesus, siguraduwák a talaga a awan ti bawal a makan. Pero ni tu akala nu essa a tolay ay bawal u essa a makan, dapat dyan na kanán.

Roma 14:5

Tehhod a tolay a mángisip a mas mahalaga u essa a aldew kasera tu iba. Te tolay be a pare-pareho la u atanan a aldew para nikuna. U balang essa ay magdisisiyon tu sadile tungkul ti bagayan ina.

Gimet 26:26

Tukoy ni Hare a Agripa iye hide a bagay. Kanya awanák manteng a magupos tu atubang na dipo tukoy na iye hide a bagay. Awan ti nangyare a awan mu tukoy dipo awan iye nangyare ti essa a tagu a lugar.

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.