2 Tesalonica 3:14 - U Maganda A Baheta Ni Jesu-Cristo

¹⁴ Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya.

2 Tesalonica 3:14 Referans Kwoze

Tito 3:10

Nite tolay a paggábwatan nu pamágkampe-kampe, Pagkagiyan mo ti pumensan pero ni awan siya umimang ay pagkagiyan mo a huway ti kapenduwa pero ni awan pade siya mágsaneg ay adeyuwan mo dán siya.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

Filemon 1:21

Nagsulaták niko dipo te tiwalaák a pagustuwanák mo ti kagiyán kuwáy. Tukoy ko a mas pa u gimitán mo nan tu impákkekagbi ko.

2 Corinto 10:6

Ni matukuyan mi dán a masássunudán kam, handa kame dán a magparusa tu atanan a awan sumássunud.

2 Corinto 2:9

Dipo iye u dahilan ni bakin a nagsulaták nikam, para matukuyan ko ni sássunudán moy ti husto u atanan a impáppangaral ko.

1 Corinto 5:9

Nagsulaták nikam tu itod a dyan kam mákpággagum tu tolay hide a mangilállake sakay mangibábbey.

Roma 16:17

Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

Mateo 18:17

Ni umád padi siya sumanig nide, ikagi mo iye tu kapisanan nu kapatkaka hide ti pannampalataya. Sakay ni umád padi siya sumanig nide ay ibilang mo dán siya a essa a awan maniwala tu Diyos oni essa a madukás a tagakolekta ti buwes.”

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

2 Corinto 7:15

Sakay nadid maslalo kampa a nepamahal nikuna dipo awan na be malimu-limunan u kássunud moy sakay u maganda a págtanggap sakay pággalang moy nikuna.

1 Corinto 4:14

Awan ko iye insulat para ipasanike kam, nan para payuwan takam bilang anak ko hide a pinakamamahal.

Colosas 4:16

Pákkabasa moy ti sulatan iye, ay ipabasa moy be tu mánnampalataya hide ti Laodicea. Sakay basaán moy be u sulat ko a gábwat hod.

Tito 2:8

Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

2 Juan 1:10

Ni te dumemát nikam a tolay a te iba a toldu ay dyan moy siya tanggapán tu bilay moy oni uhunán,