2 Tesalonica 2:11 - U Maganda A Baheta Ni Jesu-Cristo

¹¹ Dipo umád de a tanggapán u tatahoden ay pabayan dálla hide nu Diyos tu kákkalinlang de para maniwala hide tu kakabuliyan.

2 Tesalonica 2:11 Referans Kwoze

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Mateo 24:11

Makpal u magpanggap a propeta sakay itawtaw de u kakpalan.

1 Timoteo 4:1

Nadid, maliwanag a kinagi iye nu Ispirito nu Diyos: Tu dimodyan a aldew ay adággen nu agum u pánnampalataya de. Sunudán de u mágkadaya hide a ispirito sakay u itáttoldu nu makadimonyo hide.

1 Tesalonica 2:3

U impakapospos me nikam ay awan kakabuliyan. Awan kame nagtoldu tánni lokuwán mikam la, oni pagustuwan u madukás a gimet.

Mateo 24:5

Dipo makpal a umangay tu ngahan ko sakay magkagi a, ‘Hikán u Mesias!’ Sakay makpal hide a metawtaw.

2 Timoteo 4:4

Sakay awan di dán sanigan u tatahoden, nan paniwalaan diyay ay u bida hide a awan tatahoden.