2 Corinto 8:19 - U Maganda A Baheta Ni Jesu-Cristo

¹⁹ Sakay bakán la a ina! Siya u pinile nu mánnampalataya hide a makaguman me tu págbiyahe tánni matulungan di kame tu pángngasiwa a págtugán tu iambag moy ti Judea. U konna he a págserbi ay para tu kadakilaan nu Panginoon, sakay para mepeta me u kagustuwan me a makatulung.

2 Corinto 8:19 Referans Kwoze

2 Corinto 4:15

Dipo u atanan nu págtiis me ay para tu kapiyyaán moy, tánni lalu pa a kumáppal u tolay a makatanggap tu págpapala nu Diyos. Para makpal be u magpasalamat sakay magpure nikuna.

2 Corinto 9:8

Sakay kaya kam a pasaganaán nu Diyos tu atanan a bagay a higit pa tu kailangan moy hide. Para tu atanan a panahun ay magin sapat kam tu atanan a bagay, tánni tehhod kam a metulung tu te kailangan hide.

Gimet 15:25

Kanya namágkaessaan me a nangpile ti tolay a paangayan mi hina. Kaguman hide nu mahal tam a kákkapatkákka a ti Bernabe sakay ti Pablo,

Gimet 15:22

Kanya nagkasundu u apostol hide, u pupuno hide, sakay u atanan a mánnampalataya a magpile tu sangan nide para paangayán ti Antioquia, a kaguman di Pablo sakay ti Bernabe. U napile a paangayán hod ay u kákkapatkákka, a ti Judas a ngángngahanan a Barsabas, sakay ti Silas. Hide ay duwwa tu pinuno nu mnnampalataya ti Jerusalem.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 19:22

Pinágdipalongo na ti Macedonia di Timoteo sakay ti Erasto, u kaguman na a duwwa, sakay nákpágyan palla siya ti Asia ti sangan a aldew.

Gimet 19:29

Kanya dipo hod ay nagkagulo u buo a banuwan tu pákhawan. Binehbeh de di Gayo ay ti Aristarco a taga-Macedonia a kaguman ni Pablo sakay sabay-sabay de hide a inyangay tu pággipun-ipunan.

Roma 5:3

Sakay masaya kitam maske ni maranasan tam u hirap hide, dipo matuto kitam a magtiis.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

2 Corinto 8:11

Kaya itulos-tulos moy dán iye! U págsumikap a impeta moy tu itod ay itulos-tulos moy hanggan a matapos. Mangatád kam ayun tu makaya moy.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

2 Corinto 8:20

Iye u ginimet me bilang pággingat tánni awan ti makagi u deya man tungkul tu pángngasiwa me ti iye a kakpal a tulung a táttawidán me.

2 Corinto 9:2

Dipo tukoy ko a handa kamon a tumulung, sakay impagmadakál takam pa tu taga-Macedonia hide. Kinagi ko a handa kamon a taga-Acaya hide, tu nakalipas pa he a taon; kaya makpal u nalukag tu págtulung dipo tu págmalasakit moy.