2 Corinto 7:15 - U Maganda A Baheta Ni Jesu-Cristo

¹⁵ Sakay nadid maslalo kampa a nepamahal nikuna dipo awan na be malimu-limunan u kássunud moy sakay u maganda a págtanggap sakay pággalang moy nikuna.

2 Corinto 7:15 Referans Kwoze

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

2 Corinto 2:9

Dipo iye u dahilan ni bakin a nagsulaták nikam, para matukuyan ko ni sássunudán moy ti husto u atanan a impáppangaral ko.

1 Juan 3:17

Ni ketan nu te anggen a tehhod a kailangan u kapatkákka na sakay awan na iye tinulungan ay kodya na a makagi a mahal na u Diyos?

2 Tesalonica 3:14

Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya.

Colosas 3:12

Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

2 Corinto 6:12

Awan kame nagkulang tu págmahal me nikam, pero hikam u nagkulang tu págmahal moy nikame.

Gimet 16:29

Nák-aged ti sulo u guwardiya sakay mágpapágpággán a nagginan a simmáddáp sakay limmuhud tu atubang di Pablo ay ti Silas.

Efeso 6:5

Hikam a alipin hide, sunudán moy u amo moy hide a tehhod a pággalang, ánteng sakay katapatan a kumán be ati Cristo u pinagserbiyan moy.

Juan 16:21

Konna iye tu essa a bábbey a maghirap dipo tu pággenak na. Pero tu kákkeenak nu anak ay nalimunan na dán u atanan a hirap dipo tu kasayaan na a neenak na dán u anak na ti munduway.

1 Corinto 2:3

Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.