2 Corinto 13:4 - U Maganda A Baheta Ni Jesu-Cristo

⁴ Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

2 Corinto 13:4 Referans Kwoze

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

Roma 6:4

Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

1 Corinto 15:43

Madukás sakay awan ti kaya u baggi a nelábbang, pero ni biyagan dán iye a huway ay maganda sakay mabegsák dán.

1 Corinto 2:3

Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.

Filipos 3:10

U gusto ko nadid ay matengge ku pa ti husto ti Cristo, maranasan u kapangyariyan nu kákkabiyag na a huway sakay mákhate tu tinággád na a hirap sakay pumareho nikuna pati tu kákkatay na.

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Juan 10:18

Awan ti makaalap tu biyag ko, ni awan inkusa ko iye a inyatád. Tehhodák a karapatan a iyatád iye, sakay alapán iye a huway. Iye u inyutus nikán nama ko.”

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

Gimet 2:36

Kanya dapat talaga a matukuyan nu atanan a Israelita a ti Jesus a impako moy tu kudus ay siya u pinile nu Diyos a magin Panginoon sakay Cristo.”

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

2 Corinto 10:10

Dipo kagi nu agum ay “Tu sulat la siya a matapang; pero tu harapan ay awan ti magimet.”

Gimet 3:16

U kapangyariyan nu ngahan ni Jesus u nangpapiyya ti tolayan iye a tukoy moy a lopog sapul pa tu kákkeenak na. U pánniwala na tu ngahan ni Jesus sakay u pánnampalataya na ni Jesus u tatahoden a nagpiyyaan na a konna ti ketan moye.

1 Corinto 1:25

Dipo u akala de a kamangmangan nu Diyos ay karunungan a mas nan tu atanan a karunungan nu tolay, sakay u akala de a kahinaan nu Diyos ay begsák a mas tu atanan a begsák nu tolay.

1 Corinto 6:14

Sakay biniyag a huway nu Diyos u Panginoon a ti Jesus. Kaya hikitam be ay mabiyag a huway tu pamamag-itan nu kapangyariyan na.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.