2 Corinto 12:14 - U Maganda A Baheta Ni Jesu-Cristo

¹⁴ Handaák dán tu katállo ko a káangay hina pero konna tu date awanák makadágge nikam. Hikam u kailangan ko, bakán a u ari-arian moy. U dáddakál hide u dapat a magipun para tu anak de hide, bakán a u anák de hide u mag-ipun para tu dáddakál de.

2 Corinto 12:14 Referans Kwoze

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 10:24

Bakán la u kapiyyaan moy u áisipán moy nan dapat pate be u kapiyyaan nu agum.

2 Corinto 1:15

Dipo ti pánniwala kuwan iye, ay binalak ko a penduwaák hina a umangay tánni maduble u págpapala moy.

1 Tesalonica 2:11

Tukoy moy dán be a nagin konna kame tu essa a ama tu balang essa nikam.

Gimet 20:33

Awanák naghangad ti pilak, ginto oni damit tu maskin deya.

1 Tesalonica 2:8

Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

1 Corinto 16:5

Bumisitaák hina kággábwat ko ti Macedonia, dipo kailangan ko a humoyot hod.

1 Corinto 11:34

Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

1 Corinto 4:19

Pero ni kaluuban nu Panginoon, ay angayák hina ti mas maaga, sakay ilingán ku pay ni ánya ipagmadakál diye, ni iye ay upos dila oni tatahoden a hod nide u kapangyariyan nu Diyos.

1 Corinto 9:12

Ni u agum hide a mángngaral ay tehhod a karapatan, di mas lalu kame dán! Pero maski ni konna pa man hod ay awan me ginamit iye a karapatan. Nan tiniis me u atanan tanni awan kame magin hadlang tu Maganda a Baheta tungkul ni Cristo.

1 Corinto 9:18

Anya nadid i mauhay kuway a gantimpala? Awan ti agum nan u págtoldu ko tu Maganda a Baheta ti libre sakay tu awan ko káasa tu karapatan ko a mangaged bilang mángngaral.

1 Corinto 9:19

Malayaák sakay awanák alipin nu deyaman; pero nagpaalipinák tu atanan tánni makaakiták la ti makpal para sumampalataya tu Panginoon Jesu-Cristo.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 12:13

Anya beman u lamang nikam nu agum a mánnampalataya? Awan, maliban tu awan ko pángngaged nikam tu maskin ánya. Patawadánnák moy ni essa itod a pagkukulang ko.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.