2 Corinto 12:10 - U Maganda A Baheta Ni Jesu-Cristo

¹⁰ Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

2 Corinto 12:10 Referans Kwoze

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

Efeso 6:10

Iye u dimodyan ko a kagiyán: Magpakatibay kam tu pánnampalataya moy tu Panginoon tu pamamag-itan nu dakila na a kapangyariyan.

Roma 5:3

Sakay masaya kitam maske ni maranasan tam u hirap hide, dipo matuto kitam a magtiis.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

2 Corinto 1:4

Pinabegsák na kitam tu kalungkutan tam hide para makatulung kitam be tu maglungkut hide, tu pamamag-itan nu kasayaan a natanggap tam tu Diyos.

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

2 Corinto 5:15

Natay siya para tu kapiyaan nu atanan a tolay, tánni u atanan a biyag, ay awan dán mabiyag para tu sadile de, nan para ni Cristo, a natay sakay nabiyag a huway para nide.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.

2 Corinto 10:18

U parangalan nu Diyos ay u tolay a karapat-dapat tu kaluuban na bakán a u mánglangkaw tu sadile na.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

Filipos 1:29

Dipo ingkaluub nu Diyos nikam a sumampalataya ni Cristo pero bakán la a ina nan magtiis be ti hirap para nikuna.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.