1 Timoteo 6:4 - U Maganda A Baheta Ni Jesu-Cristo

⁴ ay maghambug la siya pero i tahoday ay awan ti tukoy. Talaga a ugali na dán i manusutay, sakay mákpagtábbegan tungkul tu kahulugan nu upos hide a magbunga la ti sállapan, kontraan, sestiyan, sakay sihiyan.

1 Timoteo 6:4 Referans Kwoze

2 Timoteo 2:23

Iwasan mo u awan hide ti kuwenta a tábbegan dipo sangpáttán ni ina ay dimaan.

2 Timoteo 3:4

Bakán la a ina, magin traidor hide, awan de isipán ni ánya u bunga nu gimitán de, mapagmataas hide, sakay u gugusto de ay u kagustuwan nu pilas bakán a u bagay hide a makasaya tu Diyos.

1 Timoteo 3:6

Kailangan a nalay dán siya ti pánnampalataya, dipo ni awan ay bakay magin hambug siya sakay maparusaan a konna ni Satanas.

Judas 1:10

Pero lállaitán ni tolayan hidenye u bagay hide a awan de maintendiyan; konna hide tu hayup hide a u sássunudán dila ay u bábbatiyán de hide a siya be u mángpatibung nide.

2 Pedro 2:12

Iye hide a tolay ay kumán a hayup a awan ti isip. Sássestiyán de u bagay hide a awan de maintendiyan. Kanya maparusaan hide a konna tu mailam a hayup a neenak para dakáppán sakay bunuwán.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

Judas 1:16

Iye hide a tolay ay awan makontento tu biyag de, maseste sakay u gugusto de a sunudán ay u kagustuwan nu pilas, mágkahambug sakay sanay hide a mangloko para maalap de u gusto de.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

1 Timoteo 1:7

Gusto de a magin tagapagtoldu nu Kautusan nu Diyos pero awan di la be maintendiyan u kákkagi-kagiyán de maski u bagay hide a ipilit de a itoldu.

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

Santiagu 1:19

Pakatandaan moy iye kákkapatkákka ko hide, dapat kam a handa a mágsaneg, isipán tam pa ti maayus u kagiyán tam bagu a magupos sakay diyan agad a maiyamut.

Tito 3:9

Pero umadeyo ka tu awan hide ti kabuluhan a uhunan, konna tu pángsaysay tu atakdug a listaan nu nunu hide, u pamágdibate sakay pamágdadema tungkul tu Kautusan. Dipo i konna ay he a uhunan ay awan ti meatád a maganda.

Gimet 15:2

Awan immayun di Pablo sakay ti Bernabe kaya nagin mainit u pamágguhon de tungkul ti iye. Kanya namágkaessaan de a paangayán di Pablo sakay ti Bernabe ti Jerusalem sakay tu sangan pa a mánnampalataya ti Antioquia, para itanung tu apostol hide sakay tu puno hide nu mánnampalataya hide u tungkul tu uhunanan itod.

Pahayag 3:17

Dipo kagi moy a, ‘Mayaman kame sakay sagana tu atanan a bagay sakay awan kame dán ti iba a kailangan!’ Pero u awan moy tukoy ay lubu-lubus kam sakay kakagbi, mahirap a tahod, eklas, sakay buhák.

2 Tesalonica 2:4

Kalabanán na u atanan a sássambaán sakay diyos nu tolay hide, sakay ilangkaw na u sadile na. Mággetnod siya tu disalad nu Templo nu Diyos sakay ikagi na u sadile na a siya u Diyos.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Filipos 2:14

Gimitán moy u atanan a bagay a awan ti reklamo sakay pamágtabbegan.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

Filipos 1:15

Tahod ngane a mangaral u agum tungkul ni Cristo dipo tu sene sakay gustu dila a ipeta a masmalalake hide nikán, pero te mangaral labe a tehhod a katapatan.

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Galacia 5:26

Diyan kitamon magin palalo, diyan tam pagiyamután u kapatkákka tam, sakay magsállapan.

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 11:16

Pero ni tehhod pa a masoh a mákpag-tábbegan tungkul ti iye hide, ay iye u makagi ko: awan kami dán ti iba a kaugaliyan tu págsamba nan sakay iye be u kaugaliyan nu agum pa a mánnampalataya hide tu Diyos.

1 Corinto 3:18

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

Gimet 18:15

Pero dipo u reklamo moy ay tungkul la tu upos, ngaha-ngahan sakay u Kautusan moy hide a Judio bahala kamon hina! umándák a mák-alam ti itona hide a bagay.”

Gimet 8:9

Pero ti lugaran itod ay te essa a lállake, a u ngahan na ay ti Simon. Tu itod ay páppahangaán na u Samaritano hide tu pamamag-itan nu salamangka. Ipágmadakál na a tehhod siya a kapangyariyan.