1 Timoteo 1:16 - U Maganda A Baheta Ni Jesu-Cristo

¹⁶ Pero maski konna hod u kalagayan ko ay kinagbiyanák nu Diyos tánni ipeta ni Cristo u awan masukat a pasensiya na nikán. Sakay magin halimbawa tu manalig hide nikuna a atádden na ti biyag a awan ti kahád.

1 Timoteo 1:16 Referans Kwoze

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

Efeso 2:7

Ginimet na iye para tu dumemát a panahun ay mepeta na u awan masukat sakay awan mapantayan a habag sakay págmahal nu Diyos nikitam tu pamamag-itan ni Cristo Jesus.

Lukas 7:47

Kaya kagiyán ko niko, napatawad dan u dakal a kasalanan ni babbiyay a pinatunayan nu dakal a pagmahal a impeta na nikan. Pero u tolay a mangisip a badit la u napatawad a kasalanan ay badit labe u impeta na a págmahal.”

2 Pedro 3:15

Alalahanán moy a kaya awan palla dumemát u Panginoon ay para atádden na pa ti pagkakataun a maligtas u tolay hide, konna tu insulat nikam nu kapatkákka tam a ti Pablo tu pamamag-itan nu karunungan a inyatád nikuna nu Panginoon.

2 Pedro 3:9

Kaya dyan moy isipán a nalimunan dán nu Panginoon u impananto na tungkul tu katapusan ni munduwáy a konna tu akala nu agum a tolay. U tatahoden ay atádden na palla ti pagkakataun u atanan tolay a makapagsise, dipo awan na gusto a mepahamak u maskin deya man.

1 Pedro 3:20

Iye hide u ispirito nu tolay a umád a sumunud nikuna tu panahun ni Noe tu itod. Matiyaga a naguhay u Diyos a sumampalataya hide mentaras a gimitán ni Noe u dakál a abang pero awan maski essa ti tolayan iye hide u simmampalataya. Walo la a tolay u nakaligtas tu lonso.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Gimet 13:39

Sakay u atanan nu summampalataya hide nikuna ay napatawad dán tu atanan nu kasalanan de a awan mapatawad maski tu págsunud tu Kautusan hide ni Moises.

Juan 6:54

Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

2 Tesalonica 1:10

Sa ina u mangyare nide tu aldew nu káddemát na. Ta itona a aldew ay puriyán siya sakay parangalan siya nu pinagin banal na hide, a awan ti agum nan u atanan a simmampalataya nikuna. Sakay hikam ay kasale kam bi hod, ta tinanggap moy be u Maganda a Baheta a ingkagi me nikam.

Efeso 1:12

Ginimet na iye para hikame a nedipalongo a simmampalataya ni Cristo ay magpure nikuna dipo tu kapangyariyan na.

Efeso 1:6

Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Lukas 23:43

Timmábbeg ti Jesus, “Kagiyán ko niko, nadid be ay ikuyog taka ti Paraiso.”

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

1 Corinto 7:25

Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,