1 Tesalonica 5:5 - U Maganda A Baheta Ni Jesu-Cristo

⁵ Sakup kamon nu Diyos. Kaya mabiyag kamon a atanan a konna tu essa a katoy tu demlag, bakán a konna tu essa a katoy tu kadiklámman.

1 Tesalonica 5:5 Referans Kwoze

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Juan 12:36

Kanya sumampalataya kam tu demlag mentaras a hed palla he, tán magin tolay kam nu demlag.” Kattapos na iye a kagiyán ay limmakad siya a timmagu nide.

Lukas 16:8

Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”

1 Tesalonica 5:8

Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.

1 Juan 2:8

Pero mebilang a bigu a utus i insulat kuwáy nikam; metan i tatahodinan iye tu biyag ni Cristo sakay tu biyag moy. Dipo mawan dán u kadiklámman sakay mágdadedemlag dán u tunay a demlag.