1 Tesalonica 5:20 - U Maganda A Baheta Ni Jesu-Cristo

²⁰ Dyan moy baliawanan u adal a gábwat tu Diyos.

1 Tesalonica 5:20 Referans Kwoze

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Corinto 11:4

U lállake a magdasal oni magpahayag tu upos nu Diyos a tehhod a alibonbun ay awan ti galang ni Cristo a nakasakup nikuna.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

Gimet 19:6

Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

1 Corinto 13:9

Awan palla husto u karunungan tam sakay kakayanan tu págpahayag tu upos nu Diyos,

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 12:10

Tehhod a pinagkaluuben ti kapangyariyan a makagimet ti makataka-taka a bagay; sakay u agum be ay pinagkaluuban ti kakayanan a magin prupeta. Tehhod be a pinagkaluuben ti kakayanan a makatukoy ni u kapangyariyan nu tolay ay gábwat tu Banal a Ispirito oni tu mágkadukás hide a ispirito. U agum be ay tehhod a kakayanan a makapagupos ti iba-iba a upos, sakay u agum ay u kakayanan a makapángpaliwanag ti upussan itod hide.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.