1 Tesalonica 4:1 - U Maganda A Baheta Ni Jesu-Cristo

¹ Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

1 Tesalonica 4:1 Referans Kwoze

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

1 Tesalonica 3:12

Palaguwan pa nakwa nu Panginoon u págmahalan moy tu balang essa sakay tu atanan a tolay, konna tu págmahal mi nikam.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Tesalonica 3:1

Nadid, kákkapatkákka me hide, ipagdasal moy kami be para u upos nu Panginoon ay mabilis a mekalat sakay masaya a tanggapán nu iba pa hide a lugar, a konna tu ginimet moy.

2 Tesalonica 2:1

Nadid, kákkapatkákka me hide, tungkul be tu kássole nu Panginoon a ti Jesu-Cristo ay maipun kitam a tumagbu nikuna, kaya ipákkekagbi ko nikam,

Colosas 2:6

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Juan 15:2

Káttulán na u balang pinget a awan magbunga sakay linisan na u balang pinget a magbunga para mas lalu pa iye a magbunga.

1 Tesalonica 4:2

Tukoy moy dán be au toldu hide a inpáppakapospos me nikam ay gábwat tu Panginoon a ti Jesu-Cristo.

2 Corinto 5:9

Kaya ngani, u pinakagugusto me ay makasaya kame tu Diyos, he man ti munduwáy oni ti langet.

Roma 8:8

Kanya u tolay hide a mabiyag ayun tu makasalanan de a pagkatolay ay awan hide maare a kasayaan nu Diyos.

Hebreo 13:22

Ipákpágguhon ko nikam, kákkapatkákka hide, a sanigán moy ti maganda u pangaral ko hide nikam dipo apehet la i sulat kuwáy.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Efeso 5:17

Dyan kam umaheg tu mangmang hide. Nan tukuyán moy ni ánya u kaluuban nu Panginoon a gimitan moy.

Efeso 4:20

Pero bakán a konna he u natukuyan moy ni Cristo.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

1 Corinto 15:1

Nadid, gusto ko a ipaalaala nikam, kákkapatkákka ko hide, u Maganda a Baheta a impangaral ko nikam. Ina u upos nu Diyos a tinanggap moy, sakay nagin pundasyon nu pánnampalataya moy.

1 Corinto 11:23

Iye u adal a natanggap ko tu Panginoon sakay ibahagi ko labe iye nikam: tu gibi a nángtokyon de tu Panginoon Jesus ay nangalap siya ti tinapay.

Gimet 20:27

Dipo awanák nagkemot nan impakapospos ko nikam u atanan a layunin nu Diyos.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

1 Timoteo 5:21

Iyutus ko niko tu atubang nu Diyos, sakay ni Jesu-Cristo sakay tu anghel na hide a ipatupad mo iye a awan ti panigan.

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

1 Tesalonica 5:12

Kákkapatkákka mi hide, mákkekagbi kame nikam a igalang moy u nagpagud hide nikam, a pinile nu Panginoon a mamahala sakay magtoldu nikam.

2 Tesalonica 3:13

Kákkapatkákka me hide, diyan kam magsawa a maggimet ti maganda.