1 Pedro 5:14 - U Maganda A Baheta Ni Jesu-Cristo

¹⁴ Ipeta moy u págmahalan tu bawat essa. Nakwa u kapayapaan ni Cristo u pirme a katoy nikam a mánnampalataya hide.

1 Pedro 5:14 Referans Kwoze

Roma 16:16

Magkumustaan kam bilang mátkaka ni Cristo, tu pamamag-itan nu malinis a ámmo, kákkumustaán kam nu atanan nu mánnampalataya ni Cristo heeh.

Efeso 6:23

Kákkapatkákka ko hide, nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, págmahal tu balang essa sakay pánnampalataya moy nikuna.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

1 Corinto 16:20

Sakay kumusta kam be kagi nu atanan a kákkapatkákka he. Magkumustaan kam bilang mátkaka ni Cristo.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

Juan 20:19

Nadid, nikuna a gibi dán ti aldiwan itod nu Simba ay naipun u disepulus hide ni Jesus. Ingkandadu de u pintuwan hide dipo tu ánteng de tu pinuno nu Judio hide. Bigla a dimmemát ti Jesus sakay timmaknág tu bállog de, sakay kinagi na, “Magkahod kam nakwa ti kapayapaan.”

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

1 Tesalonica 5:26

Sakay ikumusta moy kame ped hina tu kákkapatkákka tam hide.

2 Corinto 13:12

Magkumustaan kam bilang mátkaka ni Cristo. Kumustaán kam nu atanan a kákkapatkákka tam he.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

Mateo 5:47

Sakay ni u áuhunán moy ay u kaibigan moy la, ánya u nagimet moy a mas maganda kasera tu awan ko hide disepulus. Konna labe hina u gággimitán nu tolay a awan maniwala tu Diyos.

3 Juan 1:14

Umasaák a awan dán magmalay ay magketa kita sakay magkauhon.