1 Pedro 4:8 - U Maganda A Baheta Ni Jesu-Cristo

⁸ U mahalaga tu atanan ay magmahalan kam ti tapat, dipo u págmahal ay makapagpatawad maski sakodya a kakpal u kasalanan.

1 Pedro 4:8 Referans Kwoze

Colosas 3:14

Sakay higit tu atanan, magmahalan kam dipo iye u mangatád ti tunay a págkakaessa.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

Santiagu 5:20

Dapat moy a matukuyan a u mánggiya tu tolay a makasalanan para iwahak na u makasalanan na a kákkabiyag ay nangligtas tu kaliduwa ni iye tu kamatayan. Sakay siya be u dahilan nu kapatawaden nu makpal a kasalanan ni tolayan itod.

1 Corinto 13:1

Nadid, ni makapagupusák man tu iba-iba a upos sakay tu upos nu anghel hide, ni awanák ti págmahal ay kumánnák la a bating-tingan oni pompiyang a makán tánnugán.

1 Tesalonica 3:12

Palaguwan pa nakwa nu Panginoon u págmahalan moy tu balang essa sakay tu atanan a tolay, konna tu págmahal mi nikam.

Hebreo 13:1

Nadid, tulos-tulos kam a magmahalan bilang mátkaka ni Cristo.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

3 Juan 1:2

Mahal ko a Gayo, idáddasal ko a hod ka nakwa ti maganda a kalagayan sakay maganda a pámmamággi a konna tu tukoy ko a maganda mo a biyag a ispirituwal.

Santiagu 5:12

Higit tu atanan kákkapatkákka ko hide, dyan kamon sumumpa, ni magpangako kam. Dyan moy kagiyán a, “Tistigu ko u langet!” oni “Tistigu ko u luta,” oni ánya paman a kabagay. Kagiyán moy dálla a “on ni on,” oni “awan ni awan,” tánni awan kam hatulan nu Diyos.

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.