1 Pedro 2:25 - U Maganda A Baheta Ni Jesu-Cristo

²⁵ Dipo kumán kam a tupa a nágketawtaw pero nadid ay inipun kamon a huway nu Diyos tu pamamag-itan ni Jesus a pastol tam a mággalaga tu kaliduwwa tam.

1 Pedro 2:25 Referans Kwoze

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Mateo 9:36

Nikuna a netan na u tolay hide ay kinagbiyan na hide. Dipo mabalisa hide sakay awan de tukoy ni hádya hide magaged ti tulung. Kumán hide a tupa a awan ti pastol.

Mateo 18:12

Anya tu pangisip moy u gimitán nu essa a tolay a te 100 a tupa ni netawtaw u essa a tupa na? Awan beman iwahak na u 99 a nagsabsab tu kalamonan para la ehyokan na u netawtaw?

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 5:2

Mapákpággaguman na ti maayus u tolay hide a awan ti tukoy sakay masuwayin, dipo tehhod be siya a kahinaan a konna nide.

1 Pedro 3:20

Iye hide u ispirito nu tolay a umád a sumunud nikuna tu panahun ni Noe tu itod. Matiyaga a naguhay u Diyos a sumampalataya hide mentaras a gimitán ni Noe u dakál a abang pero awan maski essa ti tolayan iye hide u simmampalataya. Walo la a tolay u nakaligtas tu lonso.