Biblia Todo Logo
Bib sou entènèt

- Piblisite -




1 Pedro 2:24 - U Maganda A Baheta Ni Jesu-Cristo

24 Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Gade chapit la Kopi




1 Pedro 2:24
50 Referans Kwoze  

Nangyari iye para matupad u hula ni propeta Isaias tu itod a “Siya u nangibut tu sakisaket tam sakay pinagpiyya na kitam.”


Kanya dapat moy a ibilang u sadile moy a patay dán tu kasalanan, pero biyag para tu Diyos dipo tu pákpagkaessa moy ni Cristo Jesus.


Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.


Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.


Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.


Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.


Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”


Awan! Awan kitamon dapat mabiyag, tu págkakasala dipo konna kitam tu essa a patay a awan dán magkasala.


dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.


Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.


Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!


Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.


Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.


Dipo u tolay a patay dán ay napalaya dán tu kapangyariyan nu kasalanan.


Awan moy beman tukoy a ni sakup kam ni ti deyaman bilang essa a alipin, alipin kam ngane nu sássunudán moy. Kanya ni sássunudán tam u kasalanan alipin kitam nu kasalanan sakay u risulta na ay kamatayan. Pero ni sássunudán tam u Diyos alipin kitam nu Diyos a u risulta na ay matuwid a kákkabiyag.


Kaya umadeyo kam tu tolay hide a awan sumássunud nikán, Humiwalay kam nide,” kagi nu Panginoon. “Dyan kam kumahap tu ánya man a neturing a madangát, tánni tanggapán takam.


U Diyos nu nuno tam hide u nangbiyag a huway ni Jesus a binuno moy nikuna impepako moy tu kudus.


“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,


Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”


Sakay maglakad kam tu matuwid a dilan tánni u agum a magkahina ti pánnampalataya, ay awan mesangdul sakay mapilay nan bumegsak.


Sakay nikuna matupad di dán u atanan nu nakasulat tungkul nikuna ay inyogsad di siya tu kudus sakay inlábbáng.


Nasaya siya tu tolay a te ánteng nikuna sakay u maggimet ti tama, maskin ánya a ka lahe.


Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.


Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,


Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.


Hikame u mangpatunay tu atanan a ginággimet na tu lugar nu Judio hide sakay ti Jerusalem. Binuno de siya, sakay nepako tu kudus.


Sakay pinalaya na ti Barrabas pero pinalatigo na ti Jesus sakay intád nide para ipako tu kudus.


Dipo ni u essa a tolay ay nademlagan dán ay ketan tu gimet na u maganda, tama sakay tatahoden.


Nadid, pinaalap ni Pilato ti Jesus sakay pinabálbág na.


Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.


Dipo gusto ni Pilato a pagbigyan u tolay hide ay pinalaya na ti Barabas. Sakay pinabálbág na ti Jesus sakay impeatád na tu sundalo hide para ipako de tu kudus.


Dipo impangaral ko nikam i tunayáy a halaga a adal a tinanggap ko labe. Siya iye: natay ti Cristo dipo tu kasalanan tam hide, tánni matupad u nakasulat tu Kasulatan.


Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.


Kanya ngane, nikuna a dimmemát ti Jesus he ti munduwáy, ay kinagi na tu Ama na, “U alay hide a hayup ay awan mo gusto, kanya inhanda mo u bággi ko para magin alay.


Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.


Swiv nou:

Piblisite


Piblisite