1 Pedro 2:21 - U Maganda A Baheta Ni Jesu-Cristo

²¹ U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.

1 Pedro 2:21 Referans Kwoze

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Juan 13:15

Impeta ko nikam u halimbawa a dapat moy a ahigán kanya gimitán moy iye tu kaguman moy hide.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Corinto 11:1

Nadid, ahigánnák moy a konna tu páng-aheg ko ni Cristo.

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

Filipos 2:5

Nakwa magkahod kam ti pággisipan a konna ni Cristo.

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

Mateo 10:38

Sakay ni ti deya be u awan makatággád tu kahirapan tu kássunud nikán ay awan karapatdapat a magin disepulus ko.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Hebreo 2:10

U Diyos u nanglalang tu atanan a bagay para tu kaluwalhatian na. Kanya karapat-dapat u ginimet nu Diyos a pinakultaden na a maghirap ti Jesus para magin ganap ti Jesus sakay magimet na u dapat bilang paggábwatan nu kaligtasan. Ti konna hod ay makapagtawed siya ti makpal a tolay tu kaluwalhatian na.

2 Timoteo 3:12

U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

1 Tesalonica 4:2

Tukoy moy dán be au toldu hide a inpáppakapospos me nikam ay gábwat tu Panginoon a ti Jesu-Cristo.

1 Tesalonica 3:3

Tánni awan manghina u deyaman nikam dipo tu págpahirap di nikam. Tukoy tam labe a u hirap hide ay kaguman tu plano nu Diyos para nikitam.

Gimet 17:3

impaliwanag na sakay pinatunayan na a dapat pa a magdanas ti hirap u Cristo sakay mabiyag a huway. Kinagi na a, “Ti Jesus a ibábbaheta ko nikam ay siya u Cristo!”

Gimet 9:16

sakay ipeta ko nikuna atanan hirap a kailangan na a danasán dipo nikán.”

Lukas 24:26

Awan beman kailangan madanas nu Cristo u atanan a paghihirap a iye bagu na a matanggap u marangal na a páppágyanan ti langet?”

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.