1 Pedro 2:15 - U Maganda A Baheta Ni Jesu-Cristo

¹⁵ Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 2:15 Referans Kwoze

1 Pedro 3:17

Mas mapiyya pa a maghirap kam dipo tu pággimet moy ti maganda ni saiye u kagustuwan nu Diyos, nan maghirap kam dipo tu pággimet moy ti madukás.

Tito 2:8

Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

Mateo 7:26

Pero ni ti deya man u mágsaneg sakay awan sumunud ay kapareho siya tu essa a tolay a awan ti tukoy a nagtolnák tu bilay na tu baybay.

1 Tesalonica 5:18

Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus.

1 Tesalonica 4:3

U gusto la nu Diyos ay magin banal kam sakay umadeyo tu atanan a klase a kadukássan.

2 Pedro 2:12

Iye hide a tolay ay kumán a hayup a awan ti isip. Sássestiyán de u bagay hide a awan de maintendiyan. Kanya maparusaan hide a konna tu mailam a hayup a neenak para dakáppán sakay bunuwán.

Roma 1:21

Maski tukoy dán nu tolay a tehhod a Diyos ay awan di pade siya pinarangalan bilang Diyos oni pinasalamatan. U ginimet de ay nagisip hide ti awan ti seserbi kanya nadiklámman u isip de a awan ti tukoy.

Judas 1:10

Pero lállaitán ni tolayan hidenye u bagay hide a awan de maintendiyan; konna hide tu hayup hide a u sássunudán dila ay u bábbatiyán de hide a siya be u mángpatibung nide.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Mateo 25:2

U limma nide ay mágkalalaki sakay u limma ay awan ti tukoy.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.