1 Juan 4:7 - U Maganda A Baheta Ni Jesu-Cristo

⁷ Mahal ko hide a kákkapatkákka, magmahalan kitam dipo gábwat tu Diyos u págmahal. U magmahal tu kapatkákka na ay anak nu Diyos sakay tumengge tu Diyos.

1 Juan 4:7 Referans Kwoze

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?

1 Juan 4:8

U awan magmahal ay awan tumenggi tu Diyos, dipo u Diyos ay págmahal.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Juan 2:10

U magmahal tu kapatkákka na ay katoy tu demlag kanya awan siya magin dahilan nu pagkasalaan nu agum.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

2 Timoteo 1:7

Dipo u Banal a Ispirito a inyatad nikitam nu Diyos ay bakán a ispirito nu ánteng nan Ispirito nu kapangyariyan, págmahal sakay págpugád ti sadile.

1 Juan 4:12

Maski nikan ay awan palla ti naketa tu Diyos, pero ni magmahalan kitam ay katoy siya nikitam sakay magin ganap nikitam u págmahal na.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

1 Corinto 8:3

Pero u mangmahal tu Diyos u kilalaán na a kao na.

1 Juan 2:3

Nakasigudu kitam a kilala tam u Diyos ni sássunudán tam u utus na hide.

1 Juan 2:4

Ni ti deya man u magkagi a “Kilala ko siya” pero sumuway labe tu utus na hide ay mabule sakay awan nikuna u tatahoden.

1 Juan 2:7

Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

1 Juan 3:9

U tatahoden a anak nu Diyos ay awan magtulos-tulos a maggimet ti kasalanan dipo katoy nikuna u biyag a gábwat tu Diyos. Sakay dipo u Diyos dán u ama na, awan dán siya maare a magtulos-tulos a maggimet ti kasalanan.

1 Juan 4:11

Mahal ko hide a kákkapatkákka, dipo konna hod ti kadakál u págmahal nikitam nu Diyos, dapat magmahalan kitam be.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

2 Juan 1:5

Nadid pinile nu Diyos a bábbey, te iyohunák niko. Iye a sulat ko niko ay awan bigu a kautusan nan u date a kautusan a sapul pa ti sapul ay tukoy tamon. Iye ay u kautusan a magmahalan kitam a atanan.