1 Juan 2:2 - U Maganda A Baheta Ni Jesu-Cristo

² Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

1 Juan 2:2 Referans Kwoze

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Juan 4:42

Kinagi nu tolay hide tu bábbey, “Maniwala kame dán nadid, bakán la tu pángpatunay mo, nan dipo hikame dán a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.”

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

Juan 12:32

Sakay ni melangkawak dán ay iyadene ko u atanan a tolay tu sadile ko.”

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

Lukas 14:22

Sakay kinagi nu alipin, ‘Ginimet kudán u kinagi mo, pero makpal palla a paggetnudan u awan ti maggetnod.’