1 Corinto 15:2 - U Maganda A Baheta Ni Jesu-Cristo

² Tu pamamag-itan ni iye ay naligtas kam, ni masibát kam a maniwala tu upos a impangaral ko nikam, maliban dálla ni awan talaga tunay u kássampalataya moy.

1 Corinto 15:2 Referans Kwoze

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 2:1

Kanya ngane, dapat tam a pakatáttawiden ti mahigpit u tatahoden a nasaneg tam, tánni awan kitam metawtaw.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

1 Corinto 1:18

U adal tungkul tu kákkatay ni Cristo tu kudus ay awan de atádden ti kabuluhan nu tolay hide a mepahamak, pero nikitam a naligtas dán ay iye u kapangyariyan nu Diyos.

Santiagu 2:26

Patay u bággi a awan ti kaliduwwa; konna labi hod, u pánnampalataya a awan ti gimet ay patay.

Santiagu 2:14

Kákkapatkákka ko hide, ánya wád serbiyay nu pánnampalataya nu essa a tolay a awan ketan tu gimet na? Meligtas beman wád siya nu konna hina a pánnampalataya?

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.

Santiagu 2:17

Konna bihod u pánnampalataya; ni awan aguman tu maganda a gimet ay patay dipo awan iye ti serbi.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

Galacia 3:4

Awan dán beman ti halaga nikam u bagay hide a pinagtiisan moy? Tehhod palla wad.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Roma 1:16

Awanák masanike a mángbaheta tu Maganda a Baheta tungkul ni Cristo, dipo sa iye u kapangyariyan nu Diyos tánni maligtas u atanan a mánnampalataya, dipalongo tu Judio hide sakay tu Griego hide.

2 Corinto 2:15

Dipo konna kame tu masáppot a handug a iyáalay ni Cristo para tu Diyos. Sakay maahob iye nu nágkaligtas dán hide sakay tu mágkepahamak hide.

1 Corinto 15:14

Ni awan nabiyag a huway ti Cristo ay awan ti kabuluhan u pángngaral me sakay awan kambe ti pakinabang tu pánnampalataya moy.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

Roma 11:22

He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Gimet 8:13

Simmampalataya be ti Simon sakay nikuna mabawtismuwan ay pirme dán siya a mákkuyoyog ni Felipe. Sakay nikuna netan na u makataka-taka hide ay himmanga siya.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

1 Corinto 11:2

Ipagmadakál takam, dipo pirmiyák moy a maala-ala tu atanan a bagay sakay sássunudán moy u intáttoldu ko nikam.