1 Corinto 15:10 - U Maganda A Baheta Ni Jesu-Cristo

¹⁰ Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 15:10 Referans Kwoze

Filipos 4:13

Magimet ku iye a atanan dipo tu begsák a inyatád nikán ni Cristo.

2 Corinto 3:5

Ni tu sadile mi la, ay awan sapat u kakayanan me a gimitán iye; nan u Diyos u nángkaluub nikame ti kakayananan iye.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Galacia 2:8

U Diyos a nangatád ti kapangyariyan ni Pedro a mangaral tu Judio hide ay siya labe u nangatád nikán ti kapangyariyan a mangaral tu Hentil hide.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

1 Corinto 15:2

Tu pamamag-itan ni iye ay naligtas kam, ni masibát kam a maniwala tu upos a impangaral ko nikam, maliban dálla ni awan talaga tunay u kássampalataya moy.

Roma 11:1

U tanung ko nadid ay: Inadiyan beman nu Diyos u pinile na hide a tolay? Awan! hikán ay Israelita a mismo, gábwat tu lahe ni Abraham sakay kabilang tu lahe ni Benjamin.

Mateo 10:20

Bakán a hikam u maggupos nan u Ispirito nu Ama tu pamamagitan moy.”

1 Corinto 3:6

Konna he u halimbawa nu tarabahu me, kumán a hikán u nagmula, ti Apolos u nagdilig, pero u Diyos u nagpatubu sakay nagpalagu.

1 Corinto 3:10

Ayun tu kabaitan nu Diyos nikán, hikán u nagdátton tu pundasyon, konna tu essa a malalake a mágpataknág. Sakay u agum be u mángtapos tu bilay. Pero magin maingat u balang essa a mángtapos tu bilay,

1 Corinto 15:11

Kaya maski hikán oni hide, iye u ipáppangaral me, sakay sa iye u paniwalaan moy.

1 Tesalonica 5:12

Kákkapatkákka mi hide, mákkekagbi kame nikam a igalang moy u nagpagud hide nikam, a pinile nu Panginoon a mamahala sakay magtoldu nikam.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

Mateo 25:16

Lummakad a pagdaka u nakaalap ti limma a libo a piso sakay nagnegosyo siya. Sakay timmubo u pilak na ti limma a libo a piso be.