1 Corinto 12:16 - U Maganda A Baheta Ni Jesu-Cristo

¹⁶ Sakay mara ni kagiyán nu talinga, “Bakánnák a mata, kaya awanák parte nu bággi,” awan dán beman iye parte nu bággi?

1 Corinto 12:16 Referans Kwoze

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

1 Corinto 12:22

Ni tuusán, u parte hide a kumán a mágkahina ay sa itod pa u mas kailangan.

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

1 Corinto 12:15

Mara ni kagiyán nu tikád, “Bakánnák a kamát, kaya awanák parte nu bággi,” awan dán beman iye parte nu bággi?

1 Corinto 12:17

Ni puro mata u buo a bággi, kodya wád iye a makasaneg? Ni puro be a talinga u buo a bággi, kodya wád iye a makaahob?