Mateus 9:23 - Amenan pe paapaya uyetato'kon

²³ Mîrîrî tîpo Jesus wîtî'pî to' epere'to'kon esa' yewî' ta. Teerepamî pe, pemonkonyamî'ya wîri' sa'mantasa' yeremu ye'nunpa eta'pîiya. Moropai pemonkonyamî'ya mararî pra “waawa” ta'pî, tîkaraukon ye'ka pe.

Mateus 9:23 Referans Kwoze

Atos 9:39

Moropai Pedro ekoneka'pî. Attî'pî to' pîkîrî. Eerepamî'pî miarî, mîrîrî ita to' e'to' wîttî ta. Tîîse kawînpan pe wîttî wanî'pî. Mîrîrî ye'nen o'non pata mîîkîrî isa'manta'pî yaasa' to'ya pata' Pedro yawonnîpî'pî to'ya. Miarî wîri'sanyamî' wanî'pî, inyo isa'manta'san. Inkamoro karawa'pî kure'ne. Ta'pî to'ya Pedro pî': —A'kî Tabita nîsi'pîmî'pî upon seeni' pena enen tîwanî yai —ta'pî to'ya ipî'. Maasa pra inyo isa'manta'san pon ton si'pînpîtî'pîiya mîîto'pe.

Lucas 7:32

Inkamoro wanî moreyamî' tîsu'minansenon warantî. Inkamoro wanî poro yi'pî po. Tiaronkon pî' to' entaimepîtî ko'mannîpî. “Manannîto' waiyi ye'nunpa'pî annaya tîîse amîrî'nîkon mananu pra awanî'pî”, taapîtî'pî to'ya. “Moropai isa'manta'pî kararunpato' kupî'pî annaya tîîse amîrî'nîkon karau pra awanî'pî”, taapîtî'pî to'ya.

Mateus 11:17

Ta'pî to'ya: “Tîwe'marimasen waiyi ye'nunpa'pî annaya amananukonpa tîîse amanunukon pra awanî'pîkon. Moropai isa'manta'pî kararunpato' yeremu kupî'pî annaya, tîîse akaraukon pra awanî'pîkon”, ta'pî to'ya.

Atos 20:10

Moropai Paulo autî'pî iipia moropai awe'morikka'pî moropai i'mî woi yapisî'pîiya. Moropai ta'pîiya to' pî': —Teesi'nî'se pra e'tî. Mîîkîrî sa'mantasa' pra man tîîse enen man —ta'pîiya.

Apocalipse 18:22

Mîrîrî yai anî'ya te'nunpasen harpa ye'nunpanen eta pepîn. Moropai tiaron te'nunpasen to' sinarî ye'nunpa eseta pepîn. Moropai flauta to' ne'nunpa ye'nunpanen eta pepîn. Moropai trombeta ye'nunpanen eta pepîn. Moropai teesenyaka'masanon esera'ma pepîn inî'rî. Moropai a' pî' teesenyaka'masanon eseta pe pra man.