Mateus 2:2 - Amenan pe paapaya uyetato'kon

² Moropai miarî teerepansa'kon pe ekaranmapo'pî to'ya: —O'non pata Judeuyamî' yepotorî pe esenpo'pî more nai? —ta'pî to'ya. —Anna yi'nî pî' man yapurîi maasa pra kaiwano', manni' Uyepotorîkon esenpo ekareme'nen era'ma pî' anna man wei epa'kapî'to' winîkîi —ta'pî to'ya.

Mateus 2:2 Referans Kwoze

Apocalipse 22:16

Jesusya ta'pî: —Uupiawon pu'kuru inserî yarima pî' wai, sîrîrî yekare ekareme'se attîto'pe amîrî'nîkon pî' soosikon kaisarî. Uurî wanî Davi nurî'tî parî'pî pe. Uurî wanî manni' kaiwano' erenmapîyakan warantî —ta'pîiya.

João 18:37

Mîrîrî ye'nen Pilatosya ta'pî ipî': —Moriya rei pe awanî mîrîrî? Jesusya ta'pî: —Amîrîya taa mîrîrî, yairon mai. Esenpo'pî moropai uuipî'pî sîrîrî non pona yairon ekareme'se. Mîrîrî ton pe neken erepamî'pî. Moropai yairon anetapainonya umaimu pîinama.

Hebreus 1:6

Î' pensa Paapaya e'mai'non tînmu yarima yai sîrîrî non pona, mîîkîrîya ta'pî: Tamî'nawîronkon inserîyamî'ya mîîkîrî yapurîto'pe kai'ma Dt 32.43 ta'pîiya.

Lucas 23:38

Moropai mîrîrî pakî'nan ipo Jesus e'to' pî' kawîne awe'menukasa' wanî'pî see warantî: mîserî judeuyamî' yepotorî taato' e'menukasa'.

Lucas 23:3

Mîrîrî ye'nen Pilatosya Jesus ekaranmapo'pî: —Inna, amîrî wanî mîrîrî Judeuyamî' yepuru pe, rei pe? —Inna amîrîya taa mîrîrî —ta'pî Jesusya Pilatos pî'.

João 5:23

Mîrîrî kupî'pîiya tamî'nawîronkonya tapurî kaisarî tînmu yapurîto'pe to'ya. Anî'ya inmu yapurî pra awanî ya, Paapa nîrî tînmu yarimatîpon yapurîiya pepîn.

João 1:49

Mîrîrî pî' Natanaelya ta'pî: —Uyenupanen, amîrî Paapa munmu. Amîrî anna Israelyamî' yepotorî.

Lucas 19:38

Inkamoroya taapîtî'pî mararî pra: —Morî pe pu'kuru man. Paapaya uyesa'kon pe yarimasa' sîrîrî. Morî pe Uyepotorîkon maimu pe aaipî mîrîrî. Morî pe pu'kuru Paapa, ka' pon man tîîwanmîra uurî'nîkon yarakkîrî. Paapa yapurîpai'nîkon man Sl 118.26 —ta'pî to'ya.

Lucas 2:11

Maasa pra sîrîrîpe Davi nurî'tî esenpo'pî pata po, pîika'tîton esenposa' man amîrî'nîkon ton pe. Mîîkîrî wanî Cristo, Paapa nîmenka'pî pe, Uyepotorîkon pe —ta'pîiya.

João 9:38

Warayo'ya ta'pî: —Uyepotorî, innape akupî pî' wai. Moropai Jesus yapurî'pîiya.

João 19:19

Moropai Pilatosya tabua pona imenuka'pî moropai itîrî me'po'pî pakî'nan pona. jesus nazaré pon, judeuyamî' esa' taato' e'menukasa' wanî'pî.

João 12:13

Yu' yare maripa ye' warainon yarî'pî to'ya. Aaipî era'ma tîuya'nîkon pe to' entaimepîtî pia'tî'pî. —Morî pe man —taa pia'tî'pî to'ya. —Morî mîserî, yepuru wanî, Paapa uyepotorîkon naipontî'pî, Israel ponkon yepotorî pe, Sl 118.25,26 —taapîtî'pî to'ya.

Mateus 27:11

Mîrîrî tanne, pata esa' Pilatos rawîrî Jesus wanî yai, Pilatosya ekaranmapo'pî. Ta'pîiya: —Amîrî, mîîkîrî Judeuyamî' esa' pe tîwe'sen? —ta'pîiya. —Inna, amîrîya taa mîrîrî —ta'pî Jesusya.

João 20:28

Mîrîrîya Toméya yuuku'pî: —Uyepotorî, Paapa unapurîton —ta'pîiya.

Mateus 21:5

Ta'pîiya see warantî: Makatîi Jerusalém ponkon pî' Paapa pemonkonoyamî' pî': “A'kî ayesa'kon iipî pe man jumenta more pona teenu'se. Eranmîra eerepamî pe man” makatîi to' pî'. Zc 9.9 Mîrîrî warantî penaro' Paapa maimu ekareme'nenya imenuka'pî.

Mateus 2:3

Mîrîrî taa to'ya eta tîuya ye'nen, pata esa' Herodes atasi'sirunpa'pî. Moropai tamî'nawîronkon pemonkonyamî' Jerusalém ponkon esi'nîpî'pî mîrîrî pî'.