Mateus 2:17 - Amenan pe paapaya uyetato'kon

¹⁷ Mîrîrî warantî awe'kupî'pî pena Paapa maimu ekareme'nen profeta Jeremias nurî'tîya ta'pî yawîrî.

Mateus 2:17 Referans Kwoze

Mateus 2:16

Inkamoro epu'nenan aminke pai iipî'san warayo'konya tenku'tîsa' epu'tî tîuya ye'nen pata esa' Herodes ekore'ma'pî mararî pra. Mîrîrî ye'nen tamî'nawîronkon moreyamî' warayo'kon tî'ka me'po'pîiya asakî'ne kono' ma'rankon Belém po. Moropai iwoi tîîko'mansenon. Inkamoro moreyamî' asakî'ne kono' ma'rankon tî'ka me'po'pîiya maasa pra inkamoro warayo'kon aminke pai iipî'sanya, î' pensa kaiwano' era'ma'pî tîuya'nîkon ekareme'sa' ye'nen.

Mateus 2:18

Entaimepî'nîto' eseta pe man Ramá pata po. Mîrîrî wanî karawannîto'. Mîrîrî wanî Raquel nurî'tî payanî'san karau tînmukuyamî' sa'manta pî'. Mararî pra to' karau pe man anî'ya to' tî'napannîpî eserîke pra. Maasa pra tamî'nawîronkon to' munkîyamî' e'tî'ka'pî ye'nen Jr 31.15 ta'pî Jeremiasya.

Mateus 27:9

Sîrîrî warantî penaro' Paapa maimu ekareme'nen profeta Jeremias nurî'tîya taasa' yawîrî awe'kupî'pî. Inkamoroya tîniru yapisî'pî 30 prata ena'pî kaisarî. Mîrîrî warapo aye'ma annaya ta'pî Judeuyamî'ya yawîrî.

Mateus 2:15

Moropai to' ko'mamî'pî miarî Herodes sa'manta tîpose. Mîrîrî e'kupî'pî pena awe'kupî kupî sîrîrî ta'pî Uyepotorîkonya yawîrî, tîmaimu ekareme'nen profeta nurî'tî pî'. Uurîya unmu yanno'pî Egito pata poi eepa'kato'pe Os 11.1 ta'pî profeta nurî'tîya.