João 3:28 - Amenan pe paapaya uyetato'kon

²⁸ Pena Paapa nîmenka'pî pîika'tîton pepîn uurî, taapîtî'pîuya. Irawîrî Paapa narima'pî uurî, taapîtî'pîuya. Mîrîrî epu'tî pî' naatîi.

João 3:28 Referans Kwoze

João 1:20

See warantî to' maimu yuuku'pîiya. Aronne eesekaremekî'pî. Ta'pîiya: —Uurî Paapa nîmenka'pî, pîika'tîton pepîn. Cristo pepîn uurî.

João 1:23

Joãoya yuuku'pî: —Uurî keren po eseurîmakoi Isaías nurî'tî nekaremekî'pî. “Uyepotorîkon ye'marî ton konekatî to'sarî pu'kuru Is 40.3 tauya tamî'nawîronkon pî'”. Pena Paapa maimu ekareme'nen Isaías nurî'tî nekaremekî'pî ˻pemonkonyamî' ekonekato'pe Uyepotorîkon iipî rawîrî˼ —ta'pîiya to' pî'.

Mateus 3:3

Mîîkîrî João pî' pena Paapa maimu ekareme'nen Isaías nurî'tî eseurîma'pî. Moropai mîîkîrîya imenuka'pî see warantî: Pemonkon entaimepî'nî pî' man keren po. Taiya: “Uyepotorîkon erepamî ye'marî ton konekatî. E'ma yarakkanmokatî to'sarî eerepanto'pe”, taiya Is 40.3 ta'pî Isaíasya. Mîrîrî warantî Joãoya ta'pî pemonkonyamî' ekonekato'pe Jesus Cristo erepamî rawîrî.

João 1:25

Inî'rî João ekaranmapo'pî to'ya: —Cristo pe pra awanî, moropai Elias pe pra awanî, moropai manni' Paapa maimu ekareme'nen, Moisés nurî'tî nekaremekî'pî pe pra awanî. Mîrîrî ye'nen î' ton pe pemonkonyamî' yenpatakonaya? —ta'pî to'ya.

Lucas 1:76

—Amîrî unmu, tamî'nawîronkon yentainon Paapa maimu ekareme'nen pe awanî kupî sîrîrî, uyepotorîkon iipî yekare ekaremekîya pe nai. Uyepotorîkon iipî rawîrî e'ma konekaya, Uyepotorîkon ye'marî ton. Tamî'nawîrî konekaya morî pe Uyepotorîkon erepanto'pe

João 1:27

Mîîkîrî pî' tauya manni' uye'ma'pî pî' eerepamî, tîîse uyentai awanî. Uyentai pu'kuru awanî ye'nen, i'sa'sa' yewa yeukauya pepîn, itarumai'pî pe pu'kuru wanî ye'nen —ta'pîiya.