Apocalipse 19:18 - Amenan pe paapaya uyetato'kon

¹⁸ Entamo'kai asi'tî insamoro ipîkkukon pata esanon reiyamî' pî', moropai ipîkkukon surarayamî' esanon, moropai surarayamî' pî', moropai to' yekînnon kawareyamî' pî', moropai to' po esi'san pemonkonyamî' pî', moropai itesa' pînon pî'. Ipîkkukon pî', moropai manni'kan mîîpankon pepîn pî', tamî'nawîronkon inkamoro pî' entamo'kai asi'tî —ta'pîiya.

Apocalipse 19:18 Referans Kwoze

Apocalipse 6:15

Mîrîrî yai tamî'nawîronkon pemonkonyamî' esenomî'pî tî' ta a'ta ya'. Ipîkkukon reiyamî' sîrîrî pata po tîwe'sanon, moropai pemonkonyamî' esanon, moropai surarayamî' esanon ipîkkukon, moropai ipîkkukon, yemanne ke'kon sîrîrî non po, moropai meruntîkon pu'kuru, moropai pemonkonyamî' poitîrîtonon moropai itesa' pînon, tamî'nawîrî inkamoro esenomî'pî mararî pra eranne' pe tîwanîkon ye'nen.

Apocalipse 13:16

Moropai mîîkîrîya tamî'nawîronkon pemonkonyamî'ya tenyakon meruntî winon pî' moropai tepinkon pî' eesera'ma ton yeki'kato'pe ta'pî. Pemonkonyamî' ipîkkukon pî' moropai mîîpankon pepîn pî', moropai yemanne ke'kon pî' nîrî, moropai î' ton pînon pî' nîrî, moropai to' poitîrîtonon pî', moropai to' poitîrîtonon pepîn pî' ta'pîiya, itu'se pra to' tîîse to' teka'nunkai.

Lucas 17:37

Mîrîrî pî' Jesus nenupa'sanya ekaranmapo'pî. Ta'pî to'ya: —Anna yepotorî, o'non pata awe'kupî kupî sîrîrî? —ta'pî to'ya Jesus pî'. Inkamoro maimu yuuku'pî Jesusya panton ke. Ta'pîiya: —A'kî, o'non pata paaka sa'mantasa' ya tu'ke watunaiyamî' emurukuntîsa' esera'ma. ˻Mîrîrî warantî awe'kupî yai, epu'tîya'nîkon, eesera'ma aronne.˼ —ta'pî Jesusya.

Mateus 24:28

—A'kî, o'non pata anî' sa'mantasa' ya, mîîkîrî pî' watunaiyamî' emurukuntîsa' wanî. Mîrîrî warantî uurî iipî inkamoro imakui'pî ku'nenan kore'ta apo' ya' to' yenunto'peuya —ta'pî Jesusya.

Apocalipse 11:18

Innape aku'nenan pepîn, inkamoro ekore'masa' ko'mamî mararî pra, maasa pra inkamoro taruma'tîto'ya erepansa' ye'nen. Isa'manta'san yenunto'ya weiyu erepansa' man. Moropai apemonkonoyamî', innape akupîtîponkon penaronkon profetayamî' ye'maya weiyu erepansa' man. Moropai tamî'nawîronkon ayapurînenan, moropai tamî'nawîronkon innape aku'nenan anama tîuya'nîkon ye'nen, manni'kan ipîkkukon, moropai ipîkkukon pepîn ye'maya, to' nîkupî'pî wenai mîrîrî yai. Tîîse manni'kan non ponkon ma'tanîpîtîponkon taruma'tîto'ya weiyu erepansa' sîrîrî ta'pî to'ya.

Apocalipse 17:16

Moropai o'ma' retî anera'ma'pî moropai o'ma'ya mîîkîrî se' tapairon wîri' pokonoma pe man. Tamî'nawîrî itesa' awe'to' mo'ka to'ya kupî sîrîrî. Moropai î' ton pra inîmîkî to'ya ipon pra. Moropai yanî to'ya, apo' ke itîpannîpî to'ya pe man.

Apocalipse 19:5

Mîrîrî tîpo ereutanto' winîpai tui'sen mai eseta'pî. Ta'pîiya: —Uyepotorîkon Paapa yapurîtî tamî'nawîronkon ipoitîrîtonon. Tamî'nawîronkon pemonkonyamî' inamanenan manni'kan ipîkkukon moropai manni'kan mîîpankon pepîn, Paapa yapurîtî —ta'pîiya.