Apocalipse 17:16 - Amenan pe paapaya uyetato'kon

¹⁶ Moropai o'ma' retî anera'ma'pî moropai o'ma'ya mîîkîrî se' tapairon wîri' pokonoma pe man. Tamî'nawîrî itesa' awe'to' mo'ka to'ya kupî sîrîrî. Moropai î' ton pra inîmîkî to'ya ipon pra. Moropai yanî to'ya, apo' ke itîpannîpî to'ya pe man.

Apocalipse 17:16 Referans Kwoze

Apocalipse 18:8

Mîrîrî ye'nen tiwin wei tîîse kure'nan pata ponkon e'taruma'tîto' erepamî pe man. Moropai kure'nan iwan erepamî, moropai esewankono'manto' erepamî, moropai sa'mantanto' erepamî, inîmîkîiya pra tîîse. Moropai mîîkîrî yarannîpî apo'ya pe man. Maasa pra mîîkîrî yenumî Uyepotorîkon Paapaya, meruntî ke pu'kuru tîwanî ye'nen ta'pî mai ka' poinonya.

Apocalipse 18:19

Moropai inkamoroya kutupan yenunpîtî'pî tîpu'paikon pona teesewankono'makon ye'nen. Inkamoro entaimepîtî'pî mararî pra moropai to' karawa'pî. —Ane, ekenne amîrî kure'nan cidade o'non pata ipîkku pe pu'kuru anna ena pata'se'. Anna ena'pî ipîkku pe apo'yen esa' pe, tamî'nawîrî kure'nan tuna po. Teuren tîîse tiwin hora wanî tanne, aataretî'kasa' man tamî'nawîrî. Inî'rî eesera'ma pepîn —taapîtî'pî to'ya.

Apocalipse 19:18

Entamo'kai asi'tî insamoro ipîkkukon pata esanon reiyamî' pî', moropai ipîkkukon surarayamî' esanon, moropai surarayamî' pî', moropai to' yekînnon kawareyamî' pî', moropai to' po esi'san pemonkonyamî' pî', moropai itesa' pînon pî'. Ipîkkukon pî', moropai manni'kan mîîpankon pepîn pî', tamî'nawîronkon inkamoro pî' entamo'kai asi'tî —ta'pîiya.

Apocalipse 17:10

Mia'taikin to' yonpayamî' sa'manta'pî. Tiwinan wanî pata esa' pe. Moropai tiaron esenpo pra man maasa. Tîîse mîîkîrî esenposa' ya, kure'ne aako'mamî pe pra man. Mararî neken aako'manto' wanî pe man.

Apocalipse 16:12

Mîrîrî tîpo to' tiwin mia' pona'no inserîya tenya tîwe'sen kamo'pî kure'nan iren Eufrates ka. Mîrîrî ye'nen iren kure'nan apa'pî, awa'muna'pî. Ipîkkukon pata esanon tui'sanon wei epa'ka winîpai ye'marî ton pe aapa'pî.

Apocalipse 12:3

Moropai tiaron tera'masen ton esenpo'pî ka' po, o'ma' itese' dragão, kure'nan kuratu warainon. Mîîkîrî wanî'pî suuyu pe. Mîîkîrî pu'pai wanî'pî asakî'ne mia' pona tîîmo'tai kaisarî. Moropai iretî wanî'pî mia' tamî'nawîrî kaisarî. Moropai mîîkîrî pu'pai po nîrî aro' wanî'pî, inke' pe ipu'paikon kaisarî.