1 Coríntios 7:30 - Amenan pe paapaya uyetato'kon

³⁰ Moropai esewankono'manto' erepansa' ya upona'nîkon, mîrîrî pî' neken kîsenumenkatî. Moropai aatausinpato'kon erepansa' ya, ipîkku pe mîrîrî pî' neken kîsenumenkatî. Maasa pra ipatîkarî aako'mamî pepîn. Moropai ayemannekon ton yenna pî' kîsenumenkai ipîkku pe. Maasa pra mîrîrîkon wanî taataretî'kasen pe.

1 Coríntios 7:30 Referans Kwoze

João 16:22

Mîrîrî warantî awanîkon. Esewankono'man pî' naatîi tîîse inî'rî ayera'mauya'nîkon moropai aatausinpakon kupî sîrîrî. Mîrîrî aatausinpato'kon mo'ka anî'ya eserîke pra awanî.

Lucas 6:25

—“Ekenne” taaya'nîkon pe naatîi, amîrî'nîkon awore tîwe'sanon. Maasa pra emi'ne awanîkon kupî sîrîrî. “Ekenne” taaya'nîkon pe naatîi, amîrî'nîkon tîsi'rîsanon. Maasa pra akaraukon kupî sîrîrî teesewankono'mai.

Lucas 6:21

Morî pe awanî amîrî'nîkon emi'nankon ton pe, maasa pra awore awanîkon kupî sîrîrî. Morî pe awanî amîrî'nîkon tîkauware eesewankono'mato'kon pî'. Maasa pra kure'ne asisikon kupî sîrîrî taatausinpai.

Apocalipse 18:7

Mîîkîrî e'taruma'tî moropai esewankono'ma e'pai awanî e'mai' pe aatausinpa'pî moropai aatapurî'pî warantî. Maasa pra mîî pe eeseurîmapîtî'pî tîîwarîrî: —Uurî wanî sîrîrî ipîkkupa' rainha warantî ereutasa' sîrîrî. Moropai taapîtî'pîiya: —Uurî wanî pepîn inyo isa'manta'pî pe. E'taruma'tî pepîn tiwin kin tîîse tîwanmîra uuko'mamî —taapîtî'pîiya, aatapurî ye'ka pe.

Apocalipse 7:17

Maasa pra mîîkîrî carneiro, ereutanto' kore'ta wanî manni', mîîkîrî ko'mamî to' esa' pe. Moropai mîîkîrîya to' pinunpa, to' yarîiya tîîwarîrî teepa'kasen ipatîkaron ko'mannîto' tuna enî'se. Moropai Paapaya inkamoro yenu ya'mananîpî to' karawato' winîpai. Mîrîrî tîpo inî'rî to' karau pepîn —ta'pîiya upî'.

Lucas 16:25

Tîîse Abraão nurî'tîya imaimu yuuku'pî. Ta'pîiya: “Upa'ri, enpenatakî non po aako'mamî'pî pî', morî pe pu'kuru aako'mamî'pî tîîwanmîra, tamî'nawîron esa' pe awanî'pî. Morî pe awanî'pî aapia. Tîîse Lázaro sa'ne ko'mamî'pî tîmoron tepu'se miarî. Tarîpai Lázaro nurî'tî man morî pe pu'kuru tamî'nawîron mîrîrî winîpai. Taatausinpai awanî sîrîrî tarî. Tîîse amîrîya amoron epu'tî mîrîrî.

1 Coríntios 7:29

Uyonpayamî' î' ankapai e'to' pî' tauya sîrîrî. Tîîko'manse pu'kuru pra ko'mannîto' ataretî'ka pe man. Mîrîrî ye'nen tîno'pî ke awanîkon ya, mîîkîrî pî' neken kîsenumenkatî. —Paapa pata'se' ton pra man —tîkai pra e'tî.

1 Coríntios 7:31

Mîrîrî ye'nen ipîkku pe tamî'nawîrî sîrîrî pata yemanne pî' kîsenumenkatî. Maasa pra tamî'nawîron sîrîrî pata po tîwe'sanon ataretî'ka kupî sîrîrî. ˻Mîrîrî ye'nen ipîkku pe Paapa yapurî pî' ko'manpai'nîkon.˼