1 Coríntios 2:16 - Amenan pe paapaya uyetato'kon

¹⁶ Mîrîrî warantî Paapa maimu e'menukasa'ya taasa' man. See warantî taiya: Anî'ya Uyepotorîkon esenumenkato' epu'tî pepîn. Anî'ya Uyepotorîkon panama pepîn Is 40.13 taasai'ya man. Tîîse uurî'nîkon esenumenka Cristo esenumenkato' warantî.

1 Coríntios 2:16 Referans Kwoze

Romanos 11:34

Anî'ya kin Paapa esenumenkato' epu'tî e'painon? Anî'ya kin ipanama e'painon? Is 40.13

João 15:15

Inî'rî upoitîrî tauya pepîn apî'nîkon maasa pra tîkaraiwarîya î' kupî epu'tî ipoitîrîya pepîn. Tîîse uyonpa pe pu'kuru awanîkon maasa pra tamî'nawîrî upî' Paapa nekaremekî'pî ekaremekî'pîuya apî'nîkon.

1 Coríntios 12:8

See warantî ikupîiya: Tiwinan pia epu'nen pe awe'to' ton tîrîiya, tiaronkon yeurîmato'peiya Paapa yeseru pî'. Moropai tiaron pia itîrîiya pakko pepîn eeseurîmato'pe, Paapa maimu pî' pemonkonyamî'ya epu'to'pe î' kai'ma tîpîika'tîkon Paapaya.