Zacarias 9:15 - Maung A Balita Biblia

¹⁵ Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Maung a Balita Biblia

¹⁵ Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Zacarias 9:15 Referans Kwoze

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Zacarias 10:5

Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Exodo 27:2

Manggawa ka na saray pinagkasaklur ed toktok na apatiran suyok to. Mitekep ira ed altar tan naokupan na gansa.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

Levitico 4:25

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 4:18

Insan mangyan na daiset a dala diad saray pinagkasaklur ed saray suyok na altar na insinso diad dalem na Tulda. Samay keran dala iyibung tod leksab na altar a panagpoolan na saray bagat; sayan altar et walad lolooban na Tulda.

TAGA-EFESO 5:18

Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

1 CORINTO 1:18

Ta diad saray nababalang, anggapoy kabaliksan na balitan nipaakar ed impatey nen Cristo ed krus; balet diad sikatayon nilalaban, sikatoy pakayari na Dios.

Zacarias 14:20

Diad satan a panaon nitatak ed anggan batingting ya arkos na kabayo ira yan salita, “Nisaklang ed Katawan.” Magmaliw a masanto iray bangan lotowan a singa saray yaung ed arap na altar.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Kanta nen Solomon 7:9

tan singa sankasamitan ya alak so sangim. Ontan sirin onagos komun a balibali so alak ed inarok, onagos ed saray bibil tan saray ngipen to.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

1 Samuel 17:45

Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.

Levitico 4:7

Insan mangyan na daiset a dala ed saray pinagkasaklur ed saray suyok na altar na insinso diad dalem na Tulda. Say keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Say Libro nen Job 41:28

Anggapoy panan makapabatik ed sikato; singa labat osang iray baton nitupak ed sikato.

Zacarias 14:3

Insan ompaway so Katawan a mibakal ed saraman a bansa, a singa impibakal to nen saman a panaon.

Zacarias 2:9

“Say Katawan a dili so onlaban ed sikayo, tan samsaman kayo na saray totoon aripen yo nen saman.” No nagawa la ya, naamtaan na balang too a siak so imbaki na Katawan a Makapanyarin-amin.