Zacarias 8:22 - Maung A Balita Biblia

²² Amayamay a totoo tan makapanyarin bansa so onlad Jerusalem a mangigalang ed Katawan a Makapanyarin-amin tan onkerew ira na bindision to.

Maung a Balita Biblia

²² Amayamay a totoo tan makapanyarin bansa so onlad Jerusalem a mangigalang ed Katawan a Makapanyarin-amin tan onkerew ira na bindision to.

Zacarias 8:22 Referans Kwoze

Zacarias 8:21

Saray totoon walad sakey a siudad inkuandad saray walad arum a siudad, ‘Onla kamin mangigalang ed Katawan a Makapanyarin-amin tan onkerew kami na bindision to. Mila kayod sikami!’

Puyan 21:24

Diad sayan liwawa manakar ya amin iray bansa, tan awiten diman na saray arid dalin so kayamanan da.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Isaias 25:7

Diad saya bigla ton ekalen so lorem na ermen a manatarung ed amin da ray bansa.

TAGA GALACIA 3:8

Akaona lan impanengneng na Masanton Sulat a say Dios paandien to so kasalanan da ray Hintil diad panamegley na pananisia. Ontan met, akaona lan imbagay Masanton Sulat ed kinen Abraham so Maung a Balita, “Diad panamegley mo, bindisionan na Dios iray amin a katoowan.”

Aggeo 2:7

Taloen kon amin iray bansa, tan niyakar dia iray kayamanan da, tan napano na kayamanan so Timplo.

Mikias 4:3

Patondaen to ray kolkolan da ray bansa, say kolkolan da ray matalong-garing a bansa arawi may asingger ira. Pitpiten dan pagmaliwen a lokuy iray ispada ra, pagmaliwen dan panagsigbat iray pika ra. Ag lan balut mambabakal iray bansa, ag la ra mamparaan a mibakal lamet.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 49:22

Say Katawan a Dios kuantod saray totoo to: “Sinsayan ko ray bansa et pasempeten da ray anak yo.

Saray Salmo 68:30

Pampasnukan mo pay Egipto, saman ya ayep ed katanobungan; pampasnukan mo ray bansa, saman a poluk na bakan kalakyan tan saray kilaw da, anggad ontuek iran mangibagat ed sika na pilak da. Buybuyak mo pa ray totoon labalabay day mibakal!

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Zacarias 14:16

Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.