Zacarias 7:3 - Maung A Balita Biblia

³ tan itepet da ed saray papari tan saray propita yan tepet: “Ituloy tayo niy manermen lapud inkaderal na Timplo, diad panamegley na panayuno tayod kumaliman bulan a singa ginagawa tayo lad amayamay ya imbeneg a taon?”

Maung a Balita Biblia

³ tan itepet da ed saray papari tan saray propita yan tepet: Ituloy tayo niy manermen lapud inkaderal na Timplo, diad panamegley na panayuno tayod kumaliman bulan a singa ginagawa tayo lad amayamay ya imbeneg a taon?

Zacarias 7:3 Referans Kwoze

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

1 CORINTO 7:5

Ag kayo mansisibletay liket na laman, likud labat no mampaknaan kayon ag manakdul a magano, pian niiter yoy panaon yo ed pampikasi. Balet pawil kayon manakdul lamet, pian nipaliis kayod pananukso nen Satanas, lapud ag yo pakatepel.

Mateo 9:15

Inmebat si Jesus, “Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Aggeo 2:11

Inkuanto, “Tepet mod saray papari no antoy kuandad totontonen a nipaakar ed saya:

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Deuteronomio 33:10

Ibangat da ray totoom a mangonur ed Ganggan mo; Mangisaklang ira na saray bagat ed altar mo.

Esdras 3:10

Nen ginapwan da lan iletneg so pundasion na Timplo, linmad pasen da iray paparin akasulong na saray kawes da tan akabemben ira na saray trumpita. Wadman met iray Levitan kabyangay boleg nen Asaf tan akabemben ira na saray piangpiang. Indayew day Katawan onung ed saray bilin ya impaakseb nen Ari David.

Zacarias 7:4

Sikato yay sinmabid siak a salita na Katawan,