Zacarias 7:14 - Maung A Balita Biblia

¹⁴ Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Maung a Balita Biblia

¹⁴ Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.

Zacarias 7:14 Referans Kwoze

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Sofonias 3:6

Say Katawan kuanto, “Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalan—anggapoy anggan sakey a toon nakdaan.

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Habacuc 3:14

Tinoruk na saray panam so pangulo da ray sondalo to, nen sinmabi ran singa bagyo ya angikayat ed sikami, malikeliket iran singa saray totoon maamut a mamapairap ed saray mairap-bilay.

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Daniel 8:9

Diad sakey ed sarayan apatiran saklur, tinmubo so sakey a melag a saklur, a say pakayari to et linmaknab ed abalaten tan diad bokig tan anggad Nisipan a Dalin.

Jeremias 52:30

nen kumaduamplo tan talon taon angalay Nebuzaradan na piton lasus tan apataplo tan lima. Apat a libo tan anem a lasus ya amin so nalan totoo.

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Jeremias 36:19

Insan inkuandad sikato, “Nepeg ya onamut ka tan si Jeremias. Ag yo ipapaamtad siopaman so kawalaan yo.”

Jeremias 30:23

Sakey a bagyo so pasnuk na Katawan, sakey a mabiskeg a dagem ya ombasig ed tagey na olo na saray totoon maoges. Ag ontonda ya anggad nasumpal ya amin iray labay ton gawaen. Diad arapen iran agew natalutalusan ya na saray totoo to.

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Saray Salmo 58:9

Ag da naamamtaan so kabagut da a singa dika; diad mapalalon pasnuk na Dios isiplug to ra ed arawi legan a mabilay ni ra.

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Isaias 60:15

“Ag ka la nikaindan tan nabosul, Sakey a siudad ya ataynan tan apaolyan. Pagmaliwen ta kan matalonggaring tan marakep, Sakey a pasen a kawalaay gayaga a mansiansia.

Jeremias 12:10

Saray amayamay a manoley a taga arum a bansa et dineral da so kaubasan ko; ginagatinan da ray kaalogan ko; ginawa ran kabueran so marakerakep a dalin ko.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Ezekiel 12:19

Ibagam ed intiron bansa a sikato yay salita na Katawan a Dios ed saray totoon atilak ed Jerusalem: Onggiwgiw ira no mangan ira tan ompayegpeg irad takot no oninom ira. Naandian na karga so dalin da, lapud maoges so kabibilay na balang sakey ed sikara.

Ezekiel 22:15

Ikayat kod nandoroman bansa iray totoom tan patondaen ko ray maoges a gawgawam.

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

Zacarias 8:1

Say Katawan a Makapanyarin-amin inter to yan salita ed siak:

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.