Zacarias 5:4 - Maung A Balita Biblia

⁴ Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”

Maung a Balita Biblia

⁴ Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderalderal.

Zacarias 5:4 Referans Kwoze

Probirbio 3:33

Isasamba na Katawan so kaabungan da ray totoon maoges, balet bibindisionan toy kaabungan da ray matonung.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Say Libro nen Job 18:15

Nayarin manayam natan so siopaman ed tulda to— kayarin awalsikan na asuprin pamatey na bigis!

Deuteronomio 7:26

Ag kayo mangisesempet na anggan dinan ed sarayan talintaoy diriyos, ta ompan nipelag met ed sikayo so samban walad sikara. Nepeg yon bosulen tan sumpaen ira yan talintaoy diriyos, lapud insamba ra na Katawan.

Say Libro nen Job 20:26

Naderal ya amin iray tinipon ton kayamanan; sakey ya apoy ya ag pinadalang na limay too, so mamool ed sikato tan amin a kabyangay pamilya to.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Jeremias 2:26

Say Katawan kuanto, “No panoy pakapelag ed kababaingan na matakew no narel, ontan met so pakapelag yod kababaingan, sikayon totood Israel—saray arari tan opisyal yo, saray papari tan propita yo.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Zacarias 5:3

Insan inkuantod siak, “Nisulat ed saman a babasaen so samba ya onsabi ed intiron dalin. Diad sakey a dapag na samay babasaen, ibabaga to a napagit ed dalin iray amin a matakew; tan diad sakey a dapag ibabaga to a napagit ya amin iray totoo a mansasambad pantitila ra.

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”

Deuteronomio 28:16

“Say Katawan isamba to ray baley tan saray alog yo.

Josue 9:20

Nepeg ti ran pambilayen lapud sikatoy insipan mi; no diwiten tayo ra, dusaen itayo na Dios.

Say Libro nen Job 8:15

No onsaral irad obung na genggeng naawit to ra kasi? No linat so biraen da napaalagey to ra kasi?’

Say Libro nen Job 8:22

balet ipelag tod kababaingan iray mamobosul ed sika, tan saray maoges a totoo naandipat so kaabungan da.”